web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Baçit/ “Nuk i ndalim protestat, do vazhdojmë edhe pa aleatët”

4 Nëntor 2024, 19:30, Politikë CNA

Situata mes mazhorancës dhe opozitës në Parlament nuk është më e mira dhe duket se përballja për kërkesën e PD-së për të shkuar me qeveri teknike në zgjedhjet e 2025, nuk do të përfundojë së shpejti.

Në një intervistë për CNA TV, deputeti i PD-së për Qarkun e Fierit, Luan Baçi, i pyetur nëse do të vijohet me njëjtën formë kundërshtuese në Parlament, është shprehur se PD-së dhe opozitës nuk i është lënë zgjedhje tjetër nga PS-ja në pushtet.

“Gjatë këtyre katër viteve ka pasur vetëm përplasje dhe padrejtësi nga mazhoranca drejt opozitës. Aktualisht ka një agravim të fuqishëm të situatës, gjithmonë për faj të mazhorancës dhe nga provokimet që bën. Përjashtimet në masë të deputetëve të PD-së pa ligj, pa e mbështetur në rregulloren e Parlamentit, por me arrogancën e forcës së kartonëve provokojnë me patjetër një kundër përgjigje nga ana jonë. Mosprezanca jonë në Parlament bëhet me qëllim nga mazhoranca. Kështu që nuk kemi rrugë tjetër. Nuk kërkojmë privilegje nga kjo mazhorancë, por të drejtën tonë për të ushturar të drejtën tonë të deputetit të opozitës që po na mohon mazhoranca. Aksioni ynë do të vazhdojë. Nuk mund të kemi zgjedhje të lira dhe të barabarta me këtë qeveri dhe me këtë Kryeminsitër. Prandaj PD-ja do të vijojë të ngul këmbë duke detyruar mazhorancën për një qeveri teknike”, u shpreh ai.

Paralajmërimi i Baçit/ “Nuk i ndalim protestat, do
Deputeti i PD-së për Qarkun e Fierit, Luan Baçi

Lidhur me bashkëpunimin mes partive opozitare, ku disa prej tyre duket se nuk mbështesin mosbindjen civile, Baçi tha se PD do të vazhdojë aksionin e saj në çdo rast.

“Bashkëpunimi ka qenë i përhershëm në këto katër vite sidomos me partitë opozitare parlamentare janë edhe më të dukshme. Ka qënë një bashkëpunim shumë i frytshëm. Në situatat që jemi ka pasur përfaqësim, por duhet thënë se PD-ja është lokomotiva e opozitës dhe partitë e tjera opozitare herë pas herë i bashkohen me peshën e tyre që kanë në elektorat. Mendoj se në vazhdimësi do të jenë edhe më prezente. Por më lejoni të shtoj që kjo nuk e pengon fare PD-në në askionin e vet politik. PD-ja ka qenë gjithmonë e hapur për të gjitha partitë opozitare qofshin ose jo parlamentare dhe që janë kundër këtij regjimi dhe kundër Edi Ramës”, theksoi deputeti.

Luan Baçi është nga deputetët e PD-së që u përjashtua 40 ditë nga aktiviteti parlamentar./ CNA





Lajmet e fundit nga