web counter
LEXO PA REKLAMA!

SHKARKO APP

App Store
Google Play

E fundit!

x

Basha: SPAK-u po i jep fund epokës së pandëshkueshmërisë

4 Nëntor 2024, 18:24, Politikë CNA
Basha: SPAK-u po i jep fund epokës së
Lulzim Basha

Lulzim Basha vlerësoi këtë të hënë punën e SPAK-ut, institucionit që ka dërguar në pranga zyrtarë, kryebashkiakë, ministra dhe së fundmi edhe një ish-president.

Basha tha në një dalje televizive se epoka kur një grusht politikanësh i shpëtonin drejtësisë po shkon drejt fundit fal angazhimit të institucioneve të reja të drejtësisë.

“Së pari, dua edhe një herë të vlerësoj maksmalisht punën e institucioneve të reja të drejtësisë dhe punën e SPAK-ut për t’i dhënë fund pandëshkueshmërisë, fenomenit që po kështu karakterizon këtë tension midis shumicës popullsisë dhe një grushti politikanësh, ku shumica e popullsisë goditen, shpesh herë edhe në mënyrë të padrejtë, provojnë shijen e ligjit apo të zbatimit të ligjit edhe për gjëra të vogla, ndërsa një grusht politikanësh edhe për krime të rënda, për aferat më të rënda korruptive kanë arritur t’i shpëtojnë për një kohë të gjatë llogaridhënies para ligjit.

Kjo epokë duket se po shkon drejt fundit falë angazhimit të SPAK-ut, të cilën ne demokratët euroatlantikë e mbështesim pa asnjë rezervë. Se roli i politikës në një vend normal, në një vend të emancipuar nga sëmundjet e tranzicionit është pikërisht ky: të qëndrojë larg drejtësisë dhe të mbështesë në të gjitha format dhe mënyrat një drejtësi të pavarur dhe profesionale e cila është e verbër sa i takon statusit të të pandehurit. Nëse janë qytetarë të thjesht apo politikanë më të pushtetshëm në vend, qeveritar apo ish qeveritar, duhet të japin llogari para ligjit. Kështu që në këtë drejtim SPAK-u po jep kontributin e vet, por asnjë faktor i vetëm nuk mund të sjellë ndryshimin që duam të gjithë”, theksoi ai./ CNA





Lajmet e fundit nga