web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në SHBA/ Berisha mbështet Trump-in: Nuk u besoj "poll"-eve

4 Nëntor 2024, 13:18, Politikë CNA

Zgjedhjet në SHBA/ Berisha mbështet Trump-in: Nuk u besoj

Kreu i PD-së, Sali Berisha, ka folur për zgjedhjet në SHBA ku ka mbështetur Donald Trump-in dhe Partinë Republikane.

Berisha tha se ka kërkuar nga anëtarët e PD-së dhe mbështetësit të votojnë Partinë Republikane.

Lideri i opozitës theksoi se nuk ndërhyn në fushatën elektorale të SHBA-së dhe nuk ka besim te "poll"-et, të cilat po tregojnë një avantazh të Kamala Harris-it, rivales së Trump-it.

“Së pari, u kam kërkuar anëtarëve të PD-së dhe mbështetësve të votojnë Partinë Republikane, kandidatët e saj, sepse jemi të alinjuar me këtë parti në Unionin Demokrat Ndërkombëtar.

Përndryshe, ne nuk ndërhyjmë në fushatën elektorale të SHBA-së.

Dhe kjo nuk është ndërhyrje, ky është një respektim i detyrimeve që rrjedhin, të themi detyrimeve ndërkombëtare nga asociacioni ndërkombëtar i PD-së.

Tani, se kush do të fitojë, së pari duhet të pranoj që nuk jam një parashikues i mirë në këto 'poll'-et e zgjedhjeve.

Por me ato që kam lexuar, e vërteta është se pavarësisht se dy kampet ndihen si fitimtare, nuk mund të them se kush mund t’i fitojë zgjedhjet, por shpreh bindjen se në këto zgjedhje do fitojnë qytetarët amerikanë dhe janë zgjedhje të rëndësishme jo vetëm për SHBA-në, por për mbarë botën.

Të presim, 24 orë na ndajnë nga mëngjesi i votimit, megjithëse kanë votuar 70 milionë ose më shumë, çka nuk është parë ndonjëherë.

Këto janë qëndrimet, nuk mund të them se kush mund të fitojë, sepse edhe po të ishin 'poll'-et me diferencë, natyrisht unë nuk kam besim te 'poll'-et.

Nuk e di, e kam një problem, se këtu në Shqipëri falsifikohen shumë 'poll'-et. Ju e patë besoj, çfarë nxjerrin 'poll'-et Ramën, në 'poll'-in dal-vivo, ju e patë se si u shakullos. Tani, më thoni ju mua, çfarë të besoj unë? Të besoj qytetarët apo 'poll'-et? Pra, janë tjetër qytetarët, tjetër janë 'poll'-et”, tha Berisha./ CNA





Lajmet e fundit nga