web counter
LEXO PA REKLAMA!

SHKARKO APP

App Store
Google Play

Paraburgimi/ Lamallari: Duhet adresuar si çështje

14 Tetor 2025, 11:16, Politikë CNA

Paraburgimi/ Lamallari: Duhet adresuar si çështje

Ministri i Drejtësisë, Besfort Lamallari, është thirrur në Komisionin e Ligjeve për të raportuar mbi veprimtarinë e Ministrisë së Drejtësisë për vitin 2024.

Lamallari i është referuar paraburgimit si një nga çështjet që duhet adresuar.

Sipas tij, një nga padrejtësitë më të mëdha që mund t’i ndodhë dikujt është që të shpenzojë kohë në paraburgim më shumë sesa koha që vendos gjykata pastaj në vendimin përfundimtar.

“Shqetësimi për paraburgimin jo vetëm problemin që sjell për mbingarkesën në sistemin penitencar, por edhe të qytetarëve, të cilët janë në paraburgim. Besoj se një nga padrejtësitë më të mëdha që mund t’i ndodhë dikujt është që të shpenzojë kohë në paraburgim më shumë sesa koha që vendos gjykata pastaj në vendimin përfundimtar. Kjo duhet adresuar. Kjo ka të bëjë me mënyrën si janë shkruar dispozitat dhe zbatimin e tyre në praktikë.

Burgu duhet të shihet si mjeti i fundit kur janë dhe kur shihen edhe kushtet përkatëse të rrezikshmërisë, rrezikut për t'u larguar etj.

Patjetër kërkon një familjarizim dhe ndërgjegjësim për të gjithë aktorët përkatës prokurorë, gjykatës, etj. Këtu vjen në ndihmë edhe roli i partnerëve tanë, përfshirë dhe OSBE-në. Jo më larg se dje kam pasur takim me kreun e OSBE-së, i bindur që do të vijojmë këtë bashkëpunim edhe në nisma që kanë të bëjnë në çuarjen përpara të ndryshimeve që ndodhin në Kodin Penal”, tha Lamallari./ CNA





Lajmet e fundit nga