web counter
LEXO PA REKLAMA!

SHKARKO APP

App Store
Google Play

“Institucione të papërgjegjshme dhe të paafta”/ Zhupa: Asfaltimi i ‘Via Egnatia’-s është bërë me miratim nga IKTK

13 Tetor 2025, 19:57, Politikë CNA

“Institucione të papërgjegjshme dhe të paafta”/

Deputetja demokrate, Ina Zhupa akuzoi sot për papërgjegjshmëri dhe paaftësi institucionale, pasi sipas saj IKTK ka dhënë miratim për asfaltimin e ‘Via-Egnatia’-s.

Përmes një postimi në rrjetet sociale, Zhupa shprehet se ky qëndrim është një skandal ndaj trashëgimisë sonë kulturore.

Zhupa shton se rruga e Via Egnatia-s nuk është një rrugë e zakonshme, por pjesë e një historie me vlerë kombëtare dhe ndërkombëtare.

“Skandal!

Institucione të papërgjegjshme dhe të paafta. Drejtoresha e IKTK-së pranon se Asfaltimi i Via Egnatia-s është bërë me miratimin e tyre!

Sot, në Komisionin e Kulturës, Turizmit dhe Diasporës, gjatë një seance dëgjimore me përfaqësues të IKTK-së, bëra pyetje të drejtpërdrejta mbi ndërhyrjen skandaloze në rrugën historike të Via Egnatia-s:

A ka aplikuar bashkia për këtë projekt?

A e keni parë dhe miratuar ju këtë ndërhyrje?

Përgjigjja e drejtoreshës ishte po: e kemi parë, e kemi miratuar dhe sipas saj, nuk ka asnjë problem.

Ky pranim është tronditës. Tregon qartë papërgjegjshmëri të thellë institucionale ndaj trashëgimisë sonë kulturore. Rruga e Via Egnatia-s nuk është një rrugë e zakonshme, është pjesë e një historie me vlerë kombëtare dhe ndërkombëtare.

Ndërkohë që ne kemi kërkuar mbrojtje institucionale, restaurim sipas standardeve ndërkombëtare dhe heqjen e çdo ndërhyrjeje të paligjshme që deformon vlerat e rrugës së lashtë, duke e denoncuar si produkt të një injorance dhe arrogance lokale, ndërkohë kjo qenka “mbrojtja” që i ka dhënë IKTK trashëgimisë sonë për “t’i shtuar vlerën”!!!

Absurde kur një institucion që ka për detyrë mbrojtjen e trashëgimisë sonë, e shikon shkatërrimin si diçka “në rregull”. Kjo nuk është më çështje sporadike por është një alarm për mënyrën si mendohet dhe veprohet në dëm të historisë sonë”,-shprehet Zhupa./CNA





Lajmet e fundit nga