web counter
LEXO PA REKLAMA!

SHKARKO APP

App Store
Google Play

E fundit!

x

“Rama e ka ngritur farsën në sistem”/ Noka: PS ka marrë 150 mijë vota nga kartelet e drogës

13 Tetor 2025, 20:48, Politikë CNA

“Rama e ka ngritur farsën në sistem”/ Noka: PS ka

Sekretari i Përgjithshëm i Partisë Demokratike, Flamur Noka akuzoi sot se Partia Socialiste ka marrë 150 mijë vota nga kartelet e drogës në zgjedhjet e 11 majit.

I ftuar në ‘A2CNN’, Noka u shpreh se kryeministri Edi Rama e ka ngritur farsën në sistem.

Noka tha se paratë e drogës vendosën për fatin e shqiptarëve.

“Ne kemi një qeveri që për asnjë sekond nuk mendon të qeverisë shqiptarët, të merret me hallet e problemet e tyre, por që nga dita e parë vjedh për t’u pasuruar dhe për të blerë zgjedhjet e radhës. 11 maji na tregoi që vota e lirë u asgjësua, kartelet Troplini, Çela, Xhabafti dhe dhjetëra të tjerë ishin ata që vendosën për fatin e shqiptarëve.

Paratë e drogës vendosën për fatin e shqiptarëve dhe VKM-të e shpejta për të blerë me 100 euro votën e pensionistëve dhe për falje gjobash, si dhe qindra milionë euro të tjerë që u shpërndanë me tendera e koncesione për të devijuar vullnetin e shqiptarëve.

 Opozita e nxjerr përgjegjësinë kur në Shqipëri të ketë zgjedhje të lira e të ndershme. Kur ka farsë, opozita ka vetëm një përgjegjësi: të përballet për votën e lirë dhe demokracinë. Në Shqipëri diktojnë kartelet. Në Elbasan doli forcë e parë karteli Çela. 28 kandidatë në listën e “Narcos”-it ishin përfaqësuesit tipik të karteleve. Arkend Balla mandatin e kaluar mori një grusht vota, tani del më i votuari në Shqipëri me 25 mijë vota. Sara Milen nuk e njihnin në Elbasan, por kishte kartelin Çela.

Mbi 150 mijë vota janë vetëm nga kartelet, sa vota pastaj janë nga 100 eurot e pensioneve, sa vota nga falja e gjobave, sa janë nga presionet e shtetit elektoral. Edi Rama e ka ngritur farsën në sistem”,-tha Noka./CNA  





Lajmet e fundit nga