web counter
LEXO PA REKLAMA!

SHKARKO APP

App Store
Google Play

"Nuk na lanë të flisnim për eco park"/ Teliti akuza: Këshilli Bashkiak i Tiranës nuk lejon këshilltarët e opozitës të shprehen

12 Maj 2026, 19:33, Politikë CNA

"Nuk na lanë të flisnim për eco park"/ Teliti akuza:

Nënkryetari i Këshillit Bashkiak të Tiranës, Dorian Teliti ka bërë një prononcim për mediet pas mbledhjes së zhvilluar ditën e sotme.

Teliti në fjalën e mbajtur hodhi akuza ndaj këshilltarëve socialistë, për të cilët tha se mbyllën mbledhjen sapo erdhi radha e opozitës për të folur.

Demokrati tha se sërish u refuzua kërkesa për ngritjen e një komisioni të kontrollit buxhetor.

Teliti njoftoi se nesër do të dorëzohen në Gjykatën Kushtetuese dhe atë Administrative padi për mosrespektimin e të drejtave të opozitës në mbledhjet e Këshillit Bashkiak të Tiranës.

 

“Një këshill që nuk lejon këshilltarët e opozitës të shprehen. Është kthyer në një çetë, që në momentin e parë që këkrojnë të flasin këshilltarët e opozitës ngrejnë kartonin dhe mbyllin  çështjen. Nuk na lanë të flisnim për eco parkun e Tiranës. Nuk donin të ngrinim shqetësimin për taksat, uljen e barrës fiskale. Nuk donin të dëgjonin mbi falimentimet që po ndodhin në biznesin e Tiranës. Qytetarët e Tiranës vazhdojnë të vuajnë përkeqësimin e dukshëm të jetesës. E mbyllën mbledhjen sapo erdhi radha e këshilltarëve të opozitës për të folur për shqetësimet. I dëgjuam 2 orë të plota dhe kur na erdhi minutazhi e mbyllën mbledhjen në shkelje të hapur të ligjit dhe rregullores. Ata mund të bëjnë ç’të duan, por nuk ka më negociata për të respektuar të drejtat. Duke filluar që nesër do t’i drejtohemi Gjykatë Kushtetuese dhe asaj Administrative. Sërish u refuzua ngritja e komisionit të kontrollit buxhetor, sepse kanë frikë, e dinë që janë zhytur në afera klienteliste”, tha Teliti.





Lajmet e fundit nga