web counter
LEXO PA REKLAMA!

SHKARKO APP

App Store
Google Play

E fundit!

x

“Nuk mund të pranohet farsa elektorale”/ Berisha në Vlorë: Koha tu dalim zot shqiptarëve

3 Maj 2025, 21:11, Politikë CNA

“Nuk mund të pranohet farsa elektorale”/ Berisha në

Kreu i Partisë Demokratike, Sali Berisha zhvilloi këtë të shtunë takimin zgjedhor përmbyllës në qytetin e Vlorës. Në fjalën e tij, Berisha tha se më 11 maj, vlonjatët do qëndrojnë në anën e duhur të historisë.

Berisha theksoi se qytetarët nuk mund të pranojnë më burgosjen politike dhe farsën elektorale.

Berisha u shpreh se largimi i të rinjve është klithmë në shpirtin e çdo shqiptari dhe se programi i PD-së synon përpjekjen e madhe për të rikthyer kombin në rininë e tij.

Berisha tha se është koha që PD tu dalë zot shqiptarëve.

“Vlora dhe vlonjatët në kohërat më të vështira kanë qëndruar në anën e drejtë të historisë. Kam bindje absolute se me 11 Maj do jenë në krye të anës së drejtë të historisë.

Burrat dhe gratë që duan lirinë nuk mund të pranojnë burgosjen politike. Nuk mund të pranojnë farsën elektorale. Nuk mund të pranojnë dhunimin e të drejtave të qytetarëve. Vlora dhe vlonjatët më 11 Maj do qëndrojnë në anën e drejtë të historisë. I thërret historia sepse me 11 Maj ndahen me regjimin që boshatisi më shumë se kushdo tjetër Shqipërinë.

Miq, çfarë kombi jemi ne sot? Sot pasi humbëm 600 e ca mijë të rinj në dherat e tjera në vendet e tjera, OKB na shpall si kombin me lindshmërinë më të ulët në botë për shkak të emigracionit. Kjo është sirenë, kjo është klithmë në shpirtin e çdo shqiptari. Kjo është rruga e zhdukjes së kombit.

Ndaj dhe 11 Maji ndan sepse rinisim bashkë përpjekjen e madhe për të rikthyer kombin në rininë e tij. Një komb që nuk është në rininë e tij, nuk ka të ardhme.

Shqiptarët janë të pavdekshëm, kanë dhe do kenë të ardhmen e tyre. Po miq, ka ardhur koha t’i dalim zot. 11 Maji është ora e daljes zot të Shqipërisë dhe kombit. Është ora të ndahemi nga një e keqe, e cila po shfaros shqiptarët.

Miqtë e mi, të votosh anën e drejtë të historisë do të thotë të nderosh dhe të votosh traditën tënde më të mirë. Po ka traditë më të madhe për ne se familja shqiptare? Ajo është mrekullia që kemi. Nëna jonë është madhështia jonë. Kjo familje iu nënshtrua një agresioni ndoshta më të egër që ka njohur ndonjëherë. Me qindra mijëra familje u detyruan t’u sugjerojnë fëmijëve të tyre emigrimin se nuk kishin ushqim.

Duke u përpjekur të nxis përçarje, përçmime brenda familjes dhe vlerave të saj. Po dhe këtu në Vlorë, çfarë bëri? Po a kishte Vlora gjë më të bukur, më tradicionale për çdo shqiptar se Sheshin e Flamurit? E mori, e tjetërsoi. Nuk e harroj kurrë 100-vjetorin këtu. Në Vlorë atë natë ka pasur mbi 1 milion shqiptar, të ardhur jo vetëm nga Kosova dhe Maqedonia, por nga e gjithë bota. Ata vërshuan në Sheshin e Flamurit, sheshin simbol të kombit. Dhe doli ky, përdori pushtetin për të shpërfytyruar sheshin. Kthehet Sheshi në identitet, nuk ka asnjë diskutim, por turpi mbulon ata që shkelmojnë traditën tonë. Po Sheshi ishte një trashëgimi e mrekullueshme”,-tha Berisha./CNA

 

 





Lajmet e fundit nga