web counter
LEXO PA REKLAMA!

SHKARKO APP

App Store
Google Play

E fundit!

x

“Rama është më i ligu mes të ligëve”/ Berisha: Ka qeverisur 12 vite dhe nuk numëron asnjë sukses

3 Maj 2025, 20:33, Politikë CNA

“Rama është më i ligu mes të ligëve”/

Kreu i Partisë Demokratike, Sali Berisha zhvilloi këtë pasdite një takim zgjedhor përmbyllës në qytetin e Fierit. Në fjalën e tij para qytetarëve, Berisha tha se një njeri si Rama, që ka qeverisur për 12 vite, nuk del dot para shqiptarëve që të numërojë një sukses të vetin.

Berisha u shpreh se Rama ka dhënë urdhër që të mos ketë ballafaqime me qytetarët.  

Berisha tha se 11 maji po vjen dhe për Edi Ramën është fundi i tij.

Berisha shtoi se PD ka hartuar një program, që është programi më i mirë që Shqipëria ka patur ndonjëherë.

“A e shihni ju, një njeri që ka qeverisur 12 vjet, dhe nuk del dot para jush t’ju numërojë një sukses të vetin. Nuk del dot! Ka 3 muaj që ju flet për kënetë, për buf. Ka 3 muaj që, sillet si hokatar, si klloun nga skena në skenë dhe që refuzon, burreci 2 metra i gjatë nuk guxon të ballafaqohet para jush, në studiot televizive, apo në sheshet e qyteteve.

Mos pranoni debatet me këto zonja dhe zotërinj, të cilat janë detyrim absolut qytetar, zyrtar, moral, ligjor. Ai që vjen me të kërkuar votën, duhet të ketë kurajon të dalë para teje. Duhet të ketë kurajon të paraqitet me të gjitha arritjet dhe dështimet e tij tek ju.

Prandaj dhe, urdhri, mos dilni para qytetarëve. Mos u ballafaqoni me qytetarët. Por, ai që fshihet është më i ligu, më i keq se ai që bën, është ai që fshihet.. se ai është pa kurajo fare. Ai, edhe ka bërë, edhe kurajo s’ka.

11 maji po vjen. Edi Rama është fundi yt!

Miq, e mbajta ëktë fjalim, duke dialoguar me një të panjohur. E bëra edhe nga dëshira ime e zjarrtë që kam, të mos mbaj fjalime, por të takoj vetëm qytetarët, të diskutoj me ta, të arsyetoj me ta dhe kam bindje se, ky është programi më i mirë që Shqipëria ka patur ndonjëherë.

Kam bindje se, ky program është i Fierit madhështor dhe Shqipërisë madhështore, në 8 ditë.

Fitorja është në duart tuaja.Fitorja pret që ju ta çoni në çdo zemër shqiptare. Fitore, fitore, fitore!”,-tha Berisha./CNA

 

 

 





Lajmet e fundit nga