E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

"Nuk i përdor futbollistët për nacionalizma qesharak"/ Analisti i "çjerr maskën" Ramës, i kujton postimin e 2018-tës

4 Dhjetor 2022, 14:45, Politikë CNA

"Nuk i përdor futbollistët për nacionalizma qesharak"/

Analisti i njohur Afrim Krasniqi, ka bërë një rikujtesë, lidhur me sjelljen e Edi Ramës në raport me dy futbollistët shqiptarë që luajnë me Zvicrën.

Në postimin e tij në "Facebook", Krasniqi ka sjellë dy postime të kryeministrit një në 2018, kohë kur kryeministri Edi Rama shkruante “Photo of the day”, kur dy futbollistët shqiptarë që luajnë me Zvicrën, shënuan ndaj Serbisë, dhe një foto tjetër nga lajmi i sotëm, ku kryeministri reagoi në një formë komplet ndryshe, për një ngjarje të ngjashme me atë të 2018.

Rama u shpreh pak më herët sot, se ai nuk kishte pse të reagonte për golat e shënuar nga lojtarët shqiptarë, pasi nuk mund të përdorte politikisht dy lojtarë shqiptarë për nacionalizma ballkanik.

“Për kujtesë të medias pa kujtesë: më 2018 kur Zvicra fitoi, kryeministri Rama pati dy postime në FB e tij: një me këtë në foto majtas, "Photo of the day" dhe një tjetër ditën pasuese ku me krenari kërkonte mbledhje fondesh për gjobën e marrë nga UEFA për dyshen shqiptare të Zvicrës! Pas 4 vitesh....të njëjtit sportistë, e njëjta ndeshje, i njëjti kryeminister, i njëjti debat dhe KM thotë: "Nuk e kuptoj pse duhet të flisja, nuk jam kryeministër i Zvicrës, jam kryeministër i Shqipërisë. Nëse do të ndaja dy futbollistë me origjinë shqiptare që ne i shohim me admirim, çfarë do të bëja? Do t’i përdorja ata futbollistë për politikë. Dhe do t’i fryja zjarrit të një nacionalizmi qesharak, por edhe të rrezikshëm...Si mund të shkëputen nga skuadra e tyre dy qytetarë të atij shteti, dhe të përdoren si mish për top për lloj luftash ballkanike".

Pyetja që mbetet pa përgjigje: cilit KM t'i besojmë? Atij që më 2018 feston me krenari apo atij që më 2022 e quan aktin (+ e tij) "nacionalizmi qesharak dhe të rrezikshëm", "përdorim politik" etj, apo as KM të vitit 2018 dhe as të njëjtit më 2022?”/CNA.al