web counter
LEXO PA REKLAMA!

SHKARKO APP

App Store
Google Play

Murrizi: ‘Bankers Petroleum’ e mbronin ish-ministrat e PS-së dhe PD-së

3 Korrik 2025, 22:23, Politikë CNA

Murrizi: ‘Bankers Petroleum’ e mbronin ish-ministrat e PS-së

Ish-deputeti demokrat Myslim Murrizi tha sot se ish-ministrat e PS-së dhe PD-së kanë qenë në mbrojtje të kompanisë ‘Bankers Petroleum’.

I ftuar në një emision televiziv, Murrizi deklaroi se është  i vetmi politikan që ka folur në Parlament tre herë për ‘Bankers’ dhe sipas tij, që prej vitit 2004 kanë nxjerrë 1.5 mln ton naftë.

“Që prej 2004, jam i vetmi politikan që kam folur në Parlament tre herë për Bankers. Kam shkuar te Uzina dhe kam bërë konferencë shtypi. Sipas llogaritjes time kanë nxjerrë 1.5 mln ton naftë.

Unë dyshoj se u shndërrua në skrap uzina e Ballshit, që të mos kishte më përpunim të naftës në vendin tonë, edhe pse Rama premtoi në 2013 që nuk do të sillemi si hajdutët e PD, por do ta furnizojmë rafinerinë me naftë vendase.

Janë 6 vendimet të Autoritetit të Konkurencës që e gjobisnin Bankers.

Asnjë vendim nuk u ekzekutua.

Hetimi doganor, e ka gjobitur 100 mln euro dhe në mënyrë arbitrare është pezulluar gjoba me urdhër të Anila Denaj, pa patur kompetencë, sepse gjobat ankimohen në apelin e doganës, pastaj në gjykatë administrative.

Kur ishte PD në pushtet, Bankers e mbronin ish-ministrat e PS. Sot e mbrojnë ish-ministrat e PD.

21 vjet që nuk belbëzon askush, ka një heshtje, jeni i parë emision dhe tv që po bëni për Bankers. Që dje ka rënë heshtje varri.

Sot pashë dërdëllisje të disa deputetëtve që kërkonin llogari një, Malaj, Malaj. Bankersi ka marrë 10 mld euro pasuri shqiptarësh dhe paguan zero tatim fitim. Një shoqëri që del 3 vjet rresht me humbje, shpall falimentin”,-tha Murrizi./CNA





Lajmet e fundit nga