E fundit!

22:33 Kronika

Përplasen dy automjete në zonën e "Xhamllikut" në Tiranë/ Policia në vendngjarje

Një aksident rrugor ka ndodhur mbrëmjen e sotme në rrugën ...

Mocion me debat për caktimin e minimumit jetik/ Konferenca e Kryetarëve rrëzon kërkesën e PD-së

17 Nëntor 2025, 11:13, Politikë CNA

Mocion me debat për caktimin e minimumit jetik/ Konferenca e

Konferenca e Kryetarëve nën drejtimin e kryeparlamentarit Niko Peleshi ka zhvilluar mbledhje ditën e sotme.

Në rend dite ishte kërkesa e disa prej deputetëve të Partisë Demokratike “Për zhvillimin e mocionit me debat mbi mungesën e caktimit të minimumit jetik si dhe hapat konkretë që janë ndërmarrë për miratimin e minimumit jetik në Shqipëri”.

Në mbledhjen e sotme në lidhje me këtë kërkesë nuk u arrit dakordësia mes palëve dhe çështja i kaloi për shqyrtim Parlamentit.

Mbledhja e sotme është shoqëruar me debate mes mazhorancës dhe opozitës.

Në fjalën e mbajtur, kreu i Grupit Parlamentar të Partisë Demokratike, Gazment Bardhi, tha se në agjendën e Kuvendit ka vetëm nisma të qeverisë dhe asnjë nismë të opozitës. Më tej, Bardhi ka thënë se opozita nuk mund të jetë thjesht për fasadë në Parlament.

“Nuk ndodh në asnjë vend demokratik që agjendën e Kuvendit ta caktojë 100% qeveria. Në agjendë ka vetëm nisma të qeverisë dhe asnjë nismë deputetësh. U tha këtu që kanë ardhur më shumë kërkesa për debat sesa në 4 vite bashkë. Pse, kush ju pyet ju? Ju e përcaktoni këtë.

Na u tha këtu se po jepen 1.8 miliardë euro në muaj. I bie 36 mijë lekë të vjetër për familje në nevojë. Po jeton dot Taulanti me 36 mijë lekë në muaj? Jo, nuk jeton. Na u tha se është 'buxheti më i madh', por ky është buxhet për vjedhje, nuk shkon te qytetarët.

Opozita nuk mund të jetë fasadë këtu. Po kërkoni opozitë fasadë. Dhe kjo, kryetar, është çështje e jotja. Duhet të merrni masa për të respektuar të drejtat e opozitës, ndryshe opozita nuk ka çfarë të bëjë këtu. Ne nuk jemi fasadë”, tha Bardhi.