E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

"Onkologjiku do të ristrukturohet"/ Sala: Për herë të parë do të funksionojë rimbursimi i të gjitha barnave tumorale

17 Nëntor 2025, 10:14, Politikë CNA

"Onkologjiku do të ristrukturohet"/ Sala: Për herë

Ministrja e Shëndetësisë, Evis Sala, ka qenë ditën e sotme e pranishme në seancën dëgjimore në Komisioonin për Ekonominë.

Në fjalën e mbajtur, Sala u ndal te çështja e rimbursimit të barnave, për të cilën tha se ka nisur përdorimi i recetës elektronike. Kjo recetë, tha ministrja, përmirëson planifikimin për barnat, i cili bëhet më real.

Më tej, ministrja tha se për vitin 2026, për herë të parë do të funksionojë rimbursimi i të gjitha barnave tumorale dhe çdo mungesë do të identifikohet.

Sa i përket zhvillimit të kimioterapisë, Sala deklaroi se duhet të çohet kimioterapia te pacienti dhe bëri me dije se do të fillojnë trajnimet që seancat e kimioterapisë të bëhen dhe në spitale rajonale.

“Kemi nisur përdorimin e recetës elektronike. Kjo është e rëndësishme sepse përmirëson planifikimin për barnat. Bëhet më real.

Kemi filluar përgatitjen e protokolleve të trajtimit.

Për vitin 2026, për herë të parë do të funksionojë rimbursimi i të gjitha barnave tumorale. Çdo mungesë do të identifikohet përpara se të arrijmë në situatë mungese.

Duhet të fillojmë ta çojmë kimioterapinë te pacienti jo të vijë pacienti te kimioterapia. Do të fillojmë trajnimet që të bëhet edhe në spitalet rajonale. Onkologjiku do të ristrukturohet dhe do të lidhet me rrjetin kombëtar të tumoreve.

Për çmimet e barnave kemi rritur rimbursimin e fondit. Për çmime ato negociohen, por për barnat e reja do bëjmë marrëveshje të reja, të rrisim numrin e pacientëve që përfitojnë dhe do të ulim çmimet.

Prioritet i fondit është shmangia e abuzimit me barnat”, tha Sala./CNA