web counter
LEXO PA REKLAMA!

SHKARKO APP

App Store
Google Play

E fundit!

x

“Ministri i Brendshëm i bëri fërtele”/ Berisha: Si u grumbulluan studentët e dhjetorit

8 Dhjetor 2022, 18:33, Politikë CNA
“Ministri i Brendshëm i bëri fërtele”/ Berisha: Si u
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka kujtuar se si studentët e dhjetorit 1990 u ngritën dhe rrëzuan bustin e diktatorit Enver Hoxha.

Gjatë fjalës së tij në promovimin e librit të Besnik Mustafajt, Berisha tha se mbrëmjen e 7 dhjetorit, ministri i Brendshëm i asaj kohe dhunoi studentët dhe i bëri fërtele, teksa ata po ktheheshin në konvikte.

Kreu i demokratëve deklaroi se të nesërmen studentët vërshuan në rrugë dhe treguan se ishin të pamposhtuar.

“Sot është edhe një ditë bilanci!

Dardan, shumë herë po ta mendosh dhe rimendosh, them dy gjëra unë.

Studentët bënë një mrekulli, sepse ata u paraqitën para regjimit si të pamposhtur. I rrahu në darkë, në pabesi, në kundërshtim me çdo kod. Se u doli në takim diktatori, po ktheheshin në konvikte, ua nxori ministrin e Brendshëm dhe i bëri fërtele.

Por ata u grumbulluan ditën e nesërme në orën 8 dhe vërshuan rrugëve. Treguan që janë të pamposhtur. Kur kemi shkuar me Besnikun i kemi gjetur aty. Azem Hajdari hypte mbi shpatullat e tyre dhe lëshonte sloganet; Liri demokraci, poshtë dinastia, etj.

Kështu që në këtë aspekt suksesi i atij revolucioni qëndron tërësisht në shpirtin e pamposhtur të atyre studentëve.

Me Besnikun, mendoj se ndikuam, për faktin e vetëm se diktatori qëndronte shumë i dystuar. Nga njëra anë kërkonte dialog, nga ana tjetër kishte përgatitur të gjitha mjetet për zgjidhje ushtarake. Kur jemi ngjitur ne rrugës, ishte pëllëmbë e gardist dhe polic.

Them se gjënë nga më të dobishmet që bëmë, ishte që i bindëm të mos zbrisnin, sepse kishte një qëllim diktatori, ti mblidhet me Ifa dhe ti çonte nëpër shtëpia dhe flaka e revolucionit të shuhej.

Por ata të nesërmen u mblodhën dhe lexuan telegramin historik, e lexuan para 4 mijë studentëve, por ata e quajtën telegram drejtuar presidentit Ramiz Alia”, theksoi ai./ B.A. – CNA.al





Lajmet e fundit nga