E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Berisha: Jemi gati të luftojmë çdo armik të Shqipërisë

8 Dhjetor 2022, 14:03, Politikë CNA

Berisha: Jemi gati të luftojmë çdo armik të

Kreu i PD-së, Sali Berisha, para të rinjve të FRPD-së, ka bërë një rezyme të punës për rithemelimin e selisë blu.

Ai ka përmendur Primaret, referendumet dhe votën e lirë.

“Forumi dhe PD prej një viti u angazhuan në një përpjekje të madhe, të ndershme, transparente dhe të sinqertë për të vendosur votën brenda tyre në piedestal. Zhvilluam Primaret, zhvilluam referendumet, në mënyrë që secili prej jush, të ketë pushtetin dhe dinjitetin e vet. Të vendosë me votën e tij.

Këto nuk i kemi për veten tonë. Ne do bëjmë gjithçka që këto t’ia garantojmë çdo qytetari shqiptar, atij që na do dhe atij që nuk na voton”, ka thënë Berisha.

Sipas tij sot në pushtet është një klikë, që urren liritë e të rinjve, është një njeri që e ka shndërruar shtetin në një makineri monstruoze të shtypjes dhe rrëmbimit të votës.

“Në pushtet është një njeri që përdor qindra miliona dollarët tuaj për të blerë votat.

Në pushtet është një njeri që ka krijuar një armatë të kuqe patronazhistësh që terrorizojnë nënat dhe baballarët tuaj.

Në pushtet është një njeri që po bën gjithçka jo për të ardhmen tuaj, por për narkotrafikantët. Kurse ju përpiqet që t’ju largojë me shpejtësi nga vendi.

Nuk ka vend me pasuri si Shqipëria, por ky këto pasuri i ka kthyer në mallkim për ju, prandaj shqiptarët largohen dhe marrin detrat sikur ky vend të ishte një vend i mallkuar. Ky është vend i bekuar, por Edi Rama me këtë klikë, e shndërron në vend të mallkuar ku shqiptarët besojnë se nuk mund të ndërtohet e ardhmja.

Por ju do t'ia dilni, ne do t'ia dalim, sepse ne i dalim zot Shqipërisë, ne i besojmë Shqipërisë. Ne jemi gati të luftojmë çdo armik të saj, çdo pushtues të saj, çdo mafie te saj.

Asgjë nuk na ndalon ne pa realizuar qëllimet tona”, ka thënë Berisha./CNA.al