web counter
LEXO PA REKLAMA!

SHKARKO APP

App Store
Google Play

Meta voton veten/ Thumba për Bashën dhe Kryemadhin

27 Prill 2024, 15:56, Politikë CNA
Meta voton veten/ Thumba për Bashën dhe Kryemadhin
Kryetari i PL-së, Ilir Meta

Kryetari i PL-së, Ilir Meta, votoi veten pak më parë në Konventën e partisë së tij.

Në një prononcim për mediat, ai foli me tone më të buta për kreun e SPAK-ut, Altin Dumani, ndërsa nuk kurseu thumbat për Lulzim Bashën dhe Monika Kryemadhin.

“Nuk kam bërë asnjë sulm ndaj askujt, thjesht kushdo që përfshihet në politikë dhe del nga fusha e tij duhet të jetë i përgatitur për të marrë përgjigje shumë të qarta edhe politike, edhe ligjore”, u shpreh ai për Dumanin.

I pyetur se çfarë do të bëjë nëse nuk zgjidhet president i PL-së, Meta tha: “E rëndësishme është që zgjedhjet kanë qenë të lira ne do të respektojmë vendimin e anëtarëve të PL-së”.

Sa i përket tërheqjes së Kryemadhit për të qëndruar pranë fëmijëve pas përjashtimin nga PL-ja, bashkëshorti i saj deklaroi se ajo duhet të bëjë më shumë autokritikë.

“Nuk e shikoj që Kryemadhi do të largohet, ajo ka qenë një nënë e mrekullueshme. Duhet të bëjë autokritikë më shumë se unë”, u tha ai ndër të tjera.

Nga ana tjetër, Lulzim Bashën e quajti vulaxhi që nuk mund të flasë për moral.

“Flet partia e vulës për moral, po si doli ky vulaxhiu kryetar bashkie në Tiranë në 2011-ën apo jo? Me 23 mijë vota dhe pra u desh qëndresa heroike e Arben Ristanit që ai të dilte, me kë dilte ai? Mund të gënjejë ai, por jo për orën, ai edhe kur fle nuk ngopet së gënjyeri”, theksoi Meta./ CNA





Lajmet e fundit nga