web counter
LEXO PA REKLAMA!

SHKARKO APP

App Store
Google Play

E fundit!

x

Meta “bën tipin”/ Tenton të rrijë indiferent, por i “djeg” për Agron Çelën

12 Janar 2023, 21:50, Politikë CNA

Meta “bën tipin”/ Tenton të rrijë indiferent, por i

Largimi i Agron Çelës, ish-kryetarit të LSI-së në qarkun e Shkodrës, i cili kaloi në anën e socialistëve duket se Ilir Metën, kreun e Partisë së Lekëve e ka prekur, pavarësisht se ai nuk donte ta jepte veten.

Në intervistën e dhënë për gazetarin Sokol Balla,Meta luan rolin e të qetësuarit dhe indiferentit për largimin e tij duke thënë se Çela ka qenë përherë nga krahu i Ramës dhe se ai nuk ka folur kurrë kundër qeverisë në parlament dhe s’ka votuar kundër saj.

Por pavarësisht rolit prej indiferenti, duket se Metës i ka djegur për Agron Çelën pasi theksoi se duhet të kishte njoftuar përpara se ai të largohej.

“Është shqetësuar dikush se po hedh valle me Elisën, shumë mirë bën. A ka ndonjë problem politik? Vallen e hedh shumë mirë. Mirë bën që kërcen me të gjithë. Asnjë problem. A ke ndonjë video kur flet ndonjëherë në par kundër qeverisë që nga 25 prilli? E pamoralshme është që iku pa njoftuar, pa thënë mirupafshim, unë kështu e mendoi, më pëlqen më shumë ta hedh vallen atje. Gjithë kjo makineri propagandistike për një deputet që s’ka fol kurrë në parlament kundër qeverisë. Në një parti që ka katër deputetë, ishte e drejta e tij të mos fliste, kurrë s’ka votuar kundër qeverisë. Në një parti që një deputet ka vlerën e 3-4 mandateve. Kurrë nuk ka votuar kundër qeverisë. Ka qenë gjithmonë tek Edi Rama. Ca ka humbur opozita këtu?

Mendoj se PL dhe ish-LSI është mësuar me fenomene të tilla. Në Fier na ikën deputeti dhe i dyti pas deputetit. Mori dyfishin në Fier LSI pastaj. Është hapur rruga për dy mandate në Shkodër. Ai ashtu e ka gjykuar, shumë mirë s’ka asnjë shqetësim.

Ikën javës tjetër kërcen me Elisën, s’ka asgjë, asnjë hatërmbetje, pro nuk ndryshon fatin e Shkodrës, mund të dëmtonte më shumë duke mos ikur me PS. Është qesharake, bëhet fjalë për një deputet që s’ka folur kurrë në parlament kundër qeverisë dhe s’ka votuar njëherë kundër. Nuk mendoj se opozita ka humbur ndonjë gjë”, u shpreh ai./ CNA.al

 

 





Lajmet e fundit nga