web counter
LEXO PA REKLAMA!

SHKARKO APP

App Store
Google Play

E fundit!

x

“Mendojnë se populli e ha sapunin për djathë”/ Rama në episodin e radhës

23 Janar 2025, 16:17, Politikë CNA

“Mendojnë se populli e ha sapunin për djathë”/ Rama

Kryeministri Edi Rama i është përgjigjur si zakonisht komentit të një qytetari në rrjetet sociale. Këtë herë tema ishte ajo e çmimit të energjisë për të cilin Rama deklaron se është ndër më të ulëtit në Europë duke marrë për krahasim vende si Greqia, Gjermania, Italia apo Hungaria.

“Komentuesi shkruan nga Greqia dhe qan hallin e njerëzve që po i tallim ne. Dhe në fakt po e ulim jo pak, por 10.5% për kilovat. Ulet çmimi i energjisë si askund tjetër rrotull nesh falë investimeve të bëra masivisht këto vite, rezultateve të arritura në sektorin që e mbani mend se në çfarë gjendje ishte.

Por, natyrisht dhe falë qasjes tonë lidhur me zotimin për t’i bërë njerëzit pjesë të suksesit të reformave dhe prapë se prapë, fjala e keqe fluturon pa të keq deri në përqeshjen e popullit që e haka sapunin për djathë.

Unë jam i bindur se ky që komenton jo vetëm se nuk e di se sa më e shtrenjtë është energjia elektrike atje ku jeton ai, në Greqi, por nga mënyra si flet, duket se bën pjesë tek ata që thonë “Shqipëria është vendi më i shtrenjtë i Europës.

Shikoji pak çmimet për kë/orë në Greqi dhe në Europë për konsumatorët familjarë. Shqipëria bie në 8.5 Lekë, Greqia është thuajse 3-fish, 22 për kë/orë, Italia 33 për kë/orë, Gjermania 40 për kë/orë dhe më e ulëta nga të tëra është Hungaria që prapë është 20% më lart se ne.

Ndërkohë ata që thonë se 700 kilovat janë pak dhe i qan hallin popullit shqiptar se po e tallim ne, i them se në kategorinë deri në 700 kë/orë hyjnë mbi 1 milion konsumatorë familjarë. Ndërsa mbi këtë kufi, janë më pak se 100 mijë konsumatorë, të cilët kanë shtëpi më të mëdha, kanë edhe të ardhura më të mëdha, edhe shpenzime më të mëdha të energjisë dhe prandaj do të paguajnë dhe më shumë se të tjerët.

Vija jonë nuk lëviz, kush fiton më pak, paguan më pak, kush fiton më shumë, patjetër që do të paguajë më shumë”, tha Rama.





Lajmet e fundit nga