web counter
LEXO PA REKLAMA!

SHKARKO APP

App Store
Google Play

Vota e Diasporës/ Bylykbashi: Qeveria të zgjasë afatin e dokumenteve të skaduara të identifikimit

23 Janar 2025, 12:28, Politikë CNA

Vota e Diasporës/ Bylykbashi: Qeveria të zgjasë afatin e

Nënkryetari i Partisë Demokratike, Oerd Bylykbashi, ka reaguar sot në lidhje me dy çështje të rëndësishme të periudhës parazgjedhore: të dhënat mbi numrin e vërtetë të votuesve nga jashtë dhe mungesën e dokumenteve të vlefshme të identifikimit të zgjedhësve nga diaspora.

Bylykbashi tha se këto të dhëna janë të pasakta dhe të manipuluara nga INSTAT, pasi në të vërtetë numri i shqiptarëve është ndryshe.

Ndërsa për pavlefshmërinë e dokumenteve të identifikimit tha se kjo është penguese pasi nuk ushtrohet e drejta e votës dhe se qeveria duhet të kishte marrë masa.


“Të dhënat e INSTAT të viteve të fundit, sipas nesh, janë të manipuluara. Zgjatja e publikimit të këtyre të dhënave është tregues i këtij manipulimi. Janë më pak se 2 milionë shqiptarë dhe jo 2.4 milionë shqiptarë që jetojnë në Republikën e Shqipërisë.

Ndërsa shqiptarë që jetojnë jashtë janë më shumë se shifra e publikuar nga INSTAT.
Është dështim i këtij shteti dhe kësaj qeverie që nuk ka infomacion të saktë zyrtar.
Të dhënat e konfirmuara nga KQZ thonë se janë mbi 600 mijë shqiptarë që nuk kanë dokumente të vlefshme. Nuk ka detaje nëse janë dokumente biometrike ose të skaduara. Kërkesës për informacion nuk i është dhënë përgjigje.

Qeveria duhet të zgjaste afatet për pajisjen me dokumente dhe kjo nuk ka ndodhur.
Edi Rama e refuzoi këtë gjë edhe në verë për zgjedhjet e Himarës, për t'i marrë mandatin Belerit.

Situata është e rëndë dhe qeveria nuk ndërmerr hapa për të garantuar sigurinë juridike të gjithësecilit. Kemi prezantuar amendament për këtë çështje.

Nëse nuk ka zgjidhje nga Parlamenti, do të mbeten në letër të drejtat e njerëzve që nuk votojnë.

Duhet të adekuohet Kodi Zgjedhor sa më shpejt”, - tha Bylykbashi./ CNA





Lajmet e fundit nga