web counter
LEXO PA REKLAMA!

SHKARKO APP

App Store
Google Play

Avokati, akuza të forta Yuri Kim/ "Gardiane e korrupsionit të qeverisë, si kone pas Ramës dhe Veliajt"

23 Janar 2025, 10:09, Politikë CNA

Avokati, akuza të forta Yuri Kim/ "Gardiane e korrupsionit të

Avokati Genc Gjokutaj ka hedhur akuza të forta ndaj ish-ambasadores Yuri Kim.

Gjatë një interviste televizive, Gjokutaj e ka cilësuar Yuri Kim si një gardiane e korrupsionit të qeverisë.

Avokati tha se ish-diplomatja amerikane nuk ka qenë kurrë një kritik ndaj qeverisë, por ka qenë një mbrojtëse që nuk ngurronte ta tregonte hapur pa u zhveshur nga kostumi si ambasadore.

Sipas avokatit Genc Gjokutaj, Yuri Kim ka qenë një kone pas Ramës dhe Veliajt.

“Shqiptarët kanë pasur dijeni, flas për atë pjesë që ka kuriozitetin, por ka edhe aftësinë për të kuptuar statusin e diplomatit të një shteti të madh strategjik në aleancë, siç është edhe SHBA-ja.

Në duhet të kuptojmë që zgjedhja e presidentit Trump do të ndryshojë dhe ka filluar të ndryshojë gjeopolitikën. Trump do të punojë fort për një aleancë ndërkombëtare. Ajo që kuptohet në shkrimin e zotit Rubin, është fakti që nga njëra anë, Trump ka shpallur prioritetet e tij, po flasim posaçërisht për politikën e jashtme, sepse edhe kjo temë që ai trajton lidhet me politikën e jashtme të Amerikës dhe nga kjo ka dalë edhe Yuri Kim si një individ i shërbimit diplomatik në SHBA. Vëmendja e zotit Rubin është përqendruar te devijancat, te shkelja e statusit të diplomatit nga ana e Yuri Kim. Jo vetëm aty ku ka shërbyer jashtë Shqipërisë, por edhe në Shqipëri. Ne e kemi të freskët memorien.

Ajo që më tërheq vëmendjen është e rëndësishme që Yuri Kim nuk paska pasur probleme me integritetin profesional të detyrës, jo vetëm në Shqipëri, por edhe kudo ku ajo ka shërbyer. Ky është një tregues mjaft i qartë për misionin e saj politik.

Le të kthehemi në rrafshin tonë. Përveçse çfarë shkruan zoti Rubin në lidhje me pozicionin e Kim në Shqipëri dhe lidhjet me Kryeministrin Rama, ai nuk ka thënë për lidhjet shumë të forta edhe me kryetarin e bashkisë, Erion Veliaj. Ne e kemi thënë vazhdimisht. Për shembull, një nga pikat më të forta që opozita ka ngritur dhe u është ofruar shqiptarëve, ka qenë shkelja e Konventës së Vjenës e ambasadores Yuri Kim. Në Shqipëri, ajo sillej si një qytetare shqiptare. Futej në vendimmarrjen e institucioneve shqiptare. Futej fizikisht, me zë dhe figurë. Pa e zhveshur nga manteli diplomatik. Si e tillë, kjo ka qenë gardiane e korrupsionit qeveritar në Shqipëri. Ajo asnjëherë nuk ka zënë në gojë nga dita e parë e punës deri në largimin e saj, asnjëherë nuk ka pasur një qëndrim, të linte të kuptonte që ishte kritike ndaj qeverisë, por si një kone pas Ramës edhe mbas Veliajt, shkonte dhe i promovonte. Mos harroni që Kim ka heshtur për çështjen e inceneratorëve dhe shumë çështjeve të rëndësishme korruptive. Të kujtojmë që ambasada shprehej për çështje dytësore, për çështje të parëndësishme. Ndërkohë që për çështje madhore ka heshtur. Kim ka qenë ambasadorja për mua, antiamerikane. Ka qenë një çudi e madhe në sjelljen e saj ndaj opozitës. Ndërkohë që ka qenë në skalionin e parë në luftën kundër opozitës. Ka dhënë jo pak kontribut për asgjësimin e opozitës dhe kthimin apo shndërrimin në një ‘fake opozitë’, me një kukull, me një kupac në krye, siç ishte Lulzim Basha”, u shpreh gjatë intervistës avokati Genci Gjokutaj./CNA





Lajmet e fundit nga