web counter
LEXO PA REKLAMA!

SHKARKO APP

App Store
Google Play

E fundit!

x

“Martesa është publike, pse i fshehin emrat”/ Gjiknuri, ironi me Metën dhe Berishën

21 Prill 2023, 20:32, Politikë CNA
“Martesa është publike, pse i fshehin emrat”/ Gjiknuri,
Sekretari i Përgjithshëm i PS-së, Damian Gjiknuri

Kolegji Zgjedhor vendosi sot që të lërë në fuqi vendimin e KAS për emrin e koalicionit “Bashkë Fitojmë” në fletën e votimit, duke rrëzuar kërkesën e këtij të fundit që drejtues të vendosej Sali Berisha.

Për këtë çështje është pyetur sot nga mediat Sekretari i Përgjithshëm i PS-së, Damian Gjiknuri, i cili nuk kurseu ironinë dhe sulmet.

“PS nuk e ka ankimuar në KAS e para, që të jemi korrekt. E ka ankimuar PD. PS nuk është as pro, as kundër, se nuk ka votë. Nuk janë partitë aty, është një komision i pavarur zgjedhor dhe unë nuk e kuptoj pse fshihen nga emrat, kur martesa është publike. E fsheh partneri partnerin? Nuk e kuptoj këtë gjë, anën politike të kësaj, por ata duhet të krenohen me emrin e Ilir Metës në fletën e votimit. Nuk e di pse mërziten këta të Foltores”, u shpreh ai.

Gjiknuri tha se Sali Berishës nuk i pëlqen partneri me të cilin është martuar politikisht dhe sipas tij, për këtë arsye nuk vendos emrin e Ilir Metës në fletën e votimit.

“Tani ligji e ka përcaktuar, nuk është çështje të vendosim një emër, problem është që ligji ka përcaktuar që partia udhëheqëse e koalicionit dhe detyrimet ligjore, i përmbush partia udhëheqëse e koalicionit. Tani s’të pëlqen partneri që u martove politikisht, këtë se shpjegoj dot, duhet t’ia shpjegojnë ata anëtarësisë së tyre ose mbështetësve të tyre”, theksoi Sekretari i Përgjithshëm i PS-së./ CNA.al





Lajmet e fundit nga