web counter
LEXO PA REKLAMA!

SHKARKO APP

App Store
Google Play

E fundit!

x

Balla, thirrje SPAK/ Heto shpenzimet e fushatës së koalicionit “Bashkë Fitojmë”

20 Prill 2023, 20:25, Politikë CNA
Balla, thirrje SPAK/ Heto shpenzimet e fushatës së koalicionit
Kryetari i Grupit Parlamentar të PS-së, Taulant Balla

Kryetari i Grupit Parlamentar të PS-së, Taulant Balla, i ka bërë ditën e sotme thirrje SPAK të hetojë shpenzimet e fushatës elektorale të koalicionit “Bashkë Fitojmë”.

Balla tha në një takim me qytetarët se SPAK nuk duhet të bëjë shurdhin, por të hetojë shpenzimet për fushatën, pasi pretendon se Ilir Meta dhe Sali Berisha po bëjnë “koncerte” 100 mijë euro.

“Me Armando Subashi zhvilluam një takim me banorë të lagjes Grecalli, ku folëm për të gjitha punët që ne do të vijojmë të bëjmë në këtë bashki. Zgjedhjet e 14 Majit janë mundësia e secilit prej nesh për të zgjedhur nëse duam të vazhdojmë të ecim përpara me Edi Ramën, apo të kthehemi mbrapa me Sali Berishën dhe Ilir Metën.

Partia Socialiste ka vendosur që në këtë fushatë një pjesë të fondeve që na jep KQZ t’ua dhurojmë bashkive duke mbjellë pemë, ndërkohë që Saliu dhe Iliri po bëjnë ‘koncerte’ 100 mijë euro vetëm për skenën. SPAK nuk duhet të bëjë shurdhin, por kjo faturë 100 mijë euro është një faturë që nuk duhet të shpëtojë pa u hetuar”, theksoi drejtuesi politik i qarkut të Fierit./ CNA.al





Lajmet e fundit nga