web counter
LEXO PA REKLAMA!

SHKARKO APP

App Store
Google Play

E fundit!

x

Lajla Përnaska, kritika deputetëve/ Nuk kanë këllqe, bëjnë vetëm llogaritë e interesit personal

1 Maj 2023, 15:37, Politikë CNA
Lajla Përnaska, kritika deputetëve/ Nuk kanë këllqe,
Kandidatja e PDIU-së për bashkinë e Tiranës, Lajla Përnaska

Kandidatja e PDIU-së për bashkinë e Tiranës, Lajla Përnaska, fajësoi mesditën e sotme opozitën se nuk zgjodhi një kandidat të përbashkët për zgjedhjet vendore të 14 majit.

Përnaska nuk i kurseu as kritikat për politikën në tërësi. Ajo deklaroi në një intervistë me Denis Mingën se deputetët nuk kanë këllqe të dalin dhe të bëjnë garë.

Sipas saj, ata bëjnë vetëm llogaritë e interesit personal për mandatin e radhës.

"Edhe unë pata personalisht një pritshmëri të lartë që opozita të gjente vullnetin të dilte me një kandidat. Është specifika e krizës më të cilën ndodhet opozita sot, e cila ka sjellë një realitet shumë më specifik nga garat paraardhëse që janë bërë edhe për pushtetin lokal. Në klasën politike në Shqipëri mungojnë politikanët që duan të bëjnë beteja. Janë listat e mbyllura që e deformuan krejtësisht identitetin e deputetëve.

Deputetët nuk kanë këllqe të dalin. Bëjnë llogaritë e interesit personal për mandatin e radhës. Ky sistem, kaq i kalbur që prodhoi në kaq raunde zgjedhore që e denigroi totalisht politikanin që e shkëputi nga zgjedhësit duhet të ndryshojë. Tirana do për kryetar një njeri që e do Tiranën. Unë do ta çliroj bashkinë e Tiranës nga militantizimi", deklaroi kandidatja e PDIU-së./ CNA.al





Lajmet e fundit nga