web counter
LEXO PA REKLAMA!

SHKARKO APP

App Store
Google Play

E fundit!

x

"Ky shtet nuk e do rininë"/ Xhaferri: Rama tentoi të helmojë popullin si Asadi

25 Janar 2026, 17:49, Politikë CNA

"Ky shtet nuk e do rininë"/ Xhaferri: Rama tentoi të

Deputeti demokrat, Besart Xhaferri komentoi sot gjerësisht protestën e së shtunës të thirrur nga opozita para Kryeministrisë.

I ftuar në “Syri Tv”, Xhaferri u shpreh se të rinjtë nuk janë të kënaqur me qeverisjen në vend dhe se vetëm përmes revoltës e protestave mund të arrijnë rrëzimin e regjimit të drejtuar nga Edi Rama.

Lidhur me përdorimin e gazit lotsjellës të skaduar, Xhaferri e cilësoi si një përpjekje të kryeministrit për të helmuar protestuesit, njësoj si ish-lideri i Sirisë, Bashar al-Asad.

“Është bërë një shtet që nuk e do rininë; do patronazhistë, do servilë, do këta policë. Dhe policët ishin të rinj  ky është turpi më i madh: një rini që arreston rininë pa bërë asgjë. Ata nuk janë policë, ata janë shërbëtorë të këtij regjimi dhe përgjigjen do ta marrin si shërbëtorë të këtij regjimi. Prandaj kërkoj ndjesë ndoshta edhe publikut, sepse ishte moment gjaknxehtësie, por termi që kam përdorur është i vërtetë: ata ashtu janë.

Pa futur këtu edhe gazin e skaduar. Tre vjet i skaduar. Mund ta pranoj një muaj, po tre vite? Ajo është gjenocid. Po tenton, si Asadi, të helmosh popullin, jo vetëm protestuesit, por gjithë zonën e Tiranës ku ka banorë. Janë helmuar njerëz. Nuk e dimë çfarë pasojash shëndetësore do ketë, por ne e kemi marrë përsipër këtë kosto dhe nuk ka më rëndësi.

Rinia duhet të vazhdojë të jetojë. Të mos bëhemi hipokritë pse janë në kafe apo klube, kanë të drejtën e tyre. Por ka shumë të rinj idealistë dhe të revoltuar që do bashkohen. Revolta po rritet në mënyrë eksponenciale. Edhe nëse nuk dalin në protestë, në ato kafe ku janë ulur flitet për protestën, për problematikat, për hallet e përditshme.

Detyra jonë është të bëhemi lidhja, ilaçi që i bashkon dhe i çon drejt revoltës popullore për rrëzimin e këtij regjimi. Asnjë i ri nuk është më i kënaqur në këtë vend. Asnjë. As patronazhistëve nuk u mjafton rroga për të kaluar muajin.

Të rinjtë i rikthen mirëqeverisja. I rikthen një qeveri që qeveris mirë, siç ndodhi në vitet 2006–2010. Opozita bën thirrje për rikthim, por të rinjtë do kthehen vetëm kur të kenë shpresë. Ata që janë larguar e kanë bërë protestën e tyre absolute duke ikur.

Të rinjve që kanë mbetur u themi: protestën tuaj bëjeni me ikjen e Edi Ramës. Mos ikni ju le të ikë Edi Rama. Le të ikë azilant në Rusi, dhe ju të qëndroni në trojet tuaja, në tokën ku keni lindur. Ata që kanë ikur kanë bërë aktin më të dhimbshëm ndaj vetes: kanë lënë prindërit. Ndarja për së gjalli nga prindërit është dhimbja më e madhe”,-tha Xhaferri./CNA





Lajmet e fundit nga