E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Kuvendi voton për arrestimin e Berishës dhe protesta e opozitës/ Çfarë pritet të ndodhë nesër?

17 Dhjetor 2023, 21:00, Politikë CNA

Kuvendi voton për arrestimin e Berishës dhe protesta e opozitës/

Sali Berisha

Këtë të hënë, datë 18 Dhjetor 2023 pritet të jetë një ditë e mbushur me zhvillime politike.

Dy nga zhvillimet më të rëndësishme që pritet të ndodhin është shqyrtimi i kërkesës së SPAK për arrestimin/heqjen e lirisë së deputetit Sali Berisha dhe zhvillimi i një proteste nga opozita.

Në orën 11:30 pritet të nisë protesta e organizuar nga opozita. Ish-deputeti Belind Këlliçi ju ka bërë thirrje qyetarëve të marrin pjesë në protest.

“Nesër në orën 11:30 nis protesta. Unë do të jem atje si shumë bashkëqytetarë të mi. Do të protestojmë para Kryesisë së Kuvendit, sepse parlamenti është i shkëputur nga realiteti shqiptar. Shumica që ulet aty sa për numër nuk përfaqëson më shumicën e shqiptarëve, hallet dhe problemet. Janë kryekëput të shkëputur nga realiteti shqiptar. Nuk ka opozitë më të mirë se qytetari në shesh! Nesër opozita bëhu ti! Ji ti!”, shkruan Këlliçi në rrjetet sociale.

Kuvendi voton për arrestimin e Berishës dhe protesta e opozitës/

Ndërsa në orën 12:00 do të mbahet në Kryesinë e Kuvendit mbledhja e Këshillit për Rregulloren, Mandatet dhe Imunitetit për të shqyrtuar kërkesën e SPAK për Sali Berishën.

“Mbledhja e Këshillit për Rregulloren, Mandatet dhe Imunitetin për shqyrtimin e kërkesës së Prokurorisë së Posaçme Kundër Korrupsionit dhe Krimit të Organizuar për dhënien e autorizimit nga Kuvendi për arrestimin/heqjen e lirisë së deputetit Sali Berisha, nëpërmjet zëvendësimit të masës së sigurimit, do të zhvillohet në datën 18.12.2023, ora 12.00, në Kryesinë e Kuvendit.”, thuhet në njoftim.

Mbetet për tu parë nëse Kuvendi do të vendosë për arrestimin e Berishës ose jo dhe se si do të pritet lajmi nga opozitarët.

Sa i përket protestave Berisha është shprehur se ky është fillimi i protestave në kuadër të mosbindjes civile dhe se në ditët në vijim pritet të ketë dhe protesta të tjera./ CNA