web counter
LEXO PA REKLAMA!

SHKARKO APP

App Store
Google Play

E fundit!

x

“Kuvendi t’i dërgojë kërkesë SPAK-ut”/ Çupi: Kush janë deputetët që përdorin "Sky Ecc"

17 Janar 2025, 14:53, Politikë CNA

“Kuvendi t’i dërgojë kërkesë SPAK-ut”/

Në mbledhjen e sotme të Këshillit për Rregulloren, Mandatet dhe Imunitetin u diskutua si pjesë e çështjeve të ditës edhe propozimi i demokratëve në lidhje me vetëdeklarimin e deputetëve dhe nëse e kanë përdorur apo jo aplikacionin "Sky ECC" dhe "EncroChat".

Deputetja e Partisë Demokratike, Dhurata Çupi, dha si propozim që Kuvendi t’i drejtohet SPAK-ut nëpërmjet një shkrese për të kërkuar emrat e deputetëve, ministrave dhe zyrtarëve të tjerë të lartë, që mund të kenë përdorur të ashtuquajturat aplikacione të krimit.

Pjesë nga diskutimi:

Dhurata Çupi: Kuvendi t’i drejtohet SPAK-ut me një kërkesë. Nga 16 mijë përdorues të na thotë kush janë ish-deputetët, deputetë, ish-ministra, ministra apo funksionarë publikë që kanë përdorur këtë aplikacion.

T'i drejtohemi SPAK-ut të na thotë kush janë ata që e kanë përdorur. Në kuadër të transparencës. Të dimë kush janë një grup i vogël deputetësh që kanë përdorur aplikacionin për të mbajtur karrigen e pushtetit. Nga sot t’i dërgojmë një shkresë SPAK-ut ku të kërkojmë që gjatë këtyre viteve që ka funksionuar ky aplikacion. PS thotë se nuk është kundër rritjes së transparencës

Blerina Gjylameti: Mbështes propozimin e Çupit, mund t’i drejtohemi SPAK-ut për këto dy aplikacione, por për ndryshimin e rregullores. Mileti duhet të dijë të vërtetën. Ne nuk po themi të bëjmë organ akuze. Por me integritetin e secilit deputet të thotë nuk e kam përdorur këtë aplikacion.

Ndërkohë, nismëtari i propozimit për vetëdeklarimin e ligjvënësve që kanë qenë përdorues të këtyre aplikacioneve, Gazment Bardhi tha se janë 10-20 deputetë të Kuvendit të Shqipërisë të cilët mendohet se kanë pasur në telefonat e tyre "SkyEcc" dhe "EncroChat".

Gazment Bardhi: Keni siklet nga "SkyEcc" dhe "EncroChat". Ke qenë ministër i Brendshëm. E turpshme të mos dish metodat si ka komunikuar krimi. Je shef personeli ti që ruan pastrueset kur hyjnë e kur dalin? Unë s’kam përdorur aplikacion, ça implikimi ligjor kam unë? Nuk po akuzojmë. Ka deputetë që kanë përdorur këtë sistem për të komunikuar me krimin e organizuar, janë 10-20 të mbajnë përgjegjësi, 120 të tjerët s’kanë pse të mbajnë baltën e këtyre individëve. Po i fshihni opinionit publik se kush është ajo pakicë që ka përdorur aplikacionet e krimit të organizuar?/ CNA





Lajmet e fundit nga