E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Denoncim/ I preferuari i Veliajt vë në rrezik jetën e banorëve

17 Janar 2025, 14:00, Politikë CNA

Denoncim/ I preferuari i Veliajt vë në rrezik jetën e

Kryetarja e Komisionit të Apelimit në PD, Adriana Kalaja, në një deklaratë për mediat ka denoncuar se kushëriri i Fatmir Xhafajt dhe i preferuari i Erion Veliajt për leje kullash, po ndërton banesa në tarracat e pallateve duke krijuar rrezik për jetën e banorëve.

Kalaja thekson se Armand Lilo në zonën e Astirit, në një tarracë të një pallati ekzistues në zonë, po ndërtohet një banesë tjetër.

Kështu, sipas Adriana Kalasë, kushëriri i Xhafajt dhe i preferuari i Veliajt po shkel ligjet duke shpërfiillur ankesat e qytetarëve.

“Kushëriri i Fatmir Xhafajt, shkatërruesi Armand Lilo, një nga të preferuarit e Erion Veliajt për leje kullash, ndërton banesa edhe në tarracat e pallateve duke krijur rreziqe për jetën e banorëve, duke shkelur ligjet dhe duke shperfillur ankesat e drejta të qytetarëve.

Në një nga pallatet e ndërtuar nga firma 'Alris' e Armand Lilos në zonën e Astirit, në tarracë, po ndërtohet një tjetër banesë, ngjitur me ekzistuesen.
Banorët të shqetësuar u janë drejtuar institucioneve me shkresa zyrtare për të ndaluar këtë ndërtim, pasi përbën rrezikshmëri për shembjen e pallatit, por punimet vazhdojnë pa asnjë pengesë.

Më datën 16 dhe 17 dhjetor 2024 banorët kanë njoftuar Policinë Bashkiake të Tiranës, policia ka shkuar dhe e ka verifikuar, por sapo u është përmendur emri i ndërtuesit, policët u kanë thënë punëtorëve 'vazhdoni punën, por me ngadalë, mos bëni zhurmë se janë ankuar këta poshtë'.

Punonjësit e policisë bashkiake u kanë thënë banorëve se “nuk po bëhet ndërtim pa leje, por rikonstruksion i banesës ekzistuese”.
Më dt. 6 janar dhe 8 janar 2025, banorët kanë bërë dy ankesa zyrtare në IMT e Bashkisë Tiranë, por nga ky instiucion nuk është ndërhyrë.

Më datën 9 janar, njëri nga banorët që banon në katin poshtë tarracës së pallatit, ka shkuar në Komisariatin e Policisë nr.6, Kombinat. Punonjësit e policisë kanë shkuar në vendngjarje dhe kanë konstatuar ndërtimin pa leje në tarracën e pallatit, por nuk kanë marrë asnjë masë, duke deklaruar se ndalimi i ndërtimeve pa leje është kompetencë e IMT e Bashkisë Tiranë.

Përveç rrezikut të shembjes së pallatit, 4 familjeve që jetojnë në ndërtesat poshtë tarracës u është futur uji në banesa si pajë e shiut. Ata janë drejtuar edhe tek njësia bashkiake nr.14 dhe aty u është thënë se do ta dërgojmë ankesën tuaj tek IMT.
Banorët kanë ngecur në këtë pingpong të institucioneve që në vend që të mbrojnë ata sipas ligjit, i janë bërë mburojë ndërtuesit që shkatërron, Armand Lilo.

Turp për ta dhe faqja e zezë për drejtësinë e kapur që i lejon hallexhinjtë t'i vdesin në derë dhe u lë hapur portat e vjedhjes dhe abuzimit, pushtetarëve dhe ndërtuesve që kanë fituar për vete dhe shkatërruar qytetin”, -ka deklaruar Adriana Kalaja./ CNA