web counter
LEXO PA REKLAMA!

SHKARKO APP

App Store
Google Play

E fundit!

x

‘Kuvendi hesht për sulmin ndaj Berishës’/ Boçi me tone forta: Duhet të mbrohet dinjiteti i opozitës

12 Dhjetor 2022, 17:59, Politikë CNA
‘Kuvendi hesht për sulmin ndaj Berishës’/ Boçi me
Nënkryetari i Partisë Demokratike, Luçiano Boçi

Nënkryetari i Partisë Demokratike, Luçiano Boçi, ka folur me tone të ashpra në Kuvend, ku ka sjellë ku ka sjellë çështjen e sulmit ndaj kryetarit të PD-së, Sali Berisha.

Boçi kritikoi kolegët për heshtjen ndaj këtij akti, ndërsa deklaroi se duhet të mbrohet dinjiteti i opozitës.

Kjo sepse sipas tij, goditja me grusht nuk ishte vetëm ndaj Berishës, por edhe ndaj opozitës dhe qytetarëve.

“Akti më pervers, është goditur kryetari i opozitës dhe jo vetëm kryetari i opozitës, është goditur një deputet.

Ky Parlament bën sot sikur nuk ka ndodhur asgjë, ky parlament hesht.

Kemi arritur deri në atë pikë sa goditet kryetari i opozitës. Sot nuk flitet as me fjalë të bukura se duhet të mbrohet dinjiteti i opozitës. Harrojeni ju, nuk goditet Sali Berisha, se nuk është goditur Sali Berisha, por është goditur opozita dhe janë goditur qytetarët dhe autori i këtij sulmi është ai që mungon sot.

Kryeministri nuk duhet të ikte nga kjo sallë, ai duhet të vijë këtu të japë llogari. Të vijë këtu dhe të japë dorëheqjen. Boll më. Është organizator i një sulmi ndaj kryetarit të opozitës, duke kërcënuar drejtpërdrejt Sali Berishën, Edi Palokën dhe Gazment Bardhin. Nuk duhet të vazhdojmë dot më me këtë qëndrim, boll më, jeni kryetare e Kuvendit, mbani qëndrim dhe ta votojmë këtu”, theksoi ai./ B.A. – CNA.al





Lajmet e fundit nga