web counter
LEXO PA REKLAMA!

SHKARKO APP

App Store
Google Play

Kushtetuesja e la në burg/ Meta: Ç'mund të presësh kur më e mira e tyre u betua te Lana

10 Prill 2026, 13:29, Politikë CNA

Kushtetuesja e la në burg/ Meta: Ç'mund të presësh

Kreu i Partisë së Lirisë, Ilir Meta, ka dhënë një intervistë për "Syri.net", në lidhje me vendimin e Gjykatës Kushtetuese.

I pyetur nëse është i surprizuar nga vendimi i gjykatës, Meta është përgjigjur se do të surprizohej nëse kjo gjykatë do të merrte një vendim dinjitoz.

Më tej, kreu i PL-së shprehet se ajo që e bën më të turpshëm vendimin e Kushtetueses është mosgjykimi i kërkesës për mënyrën e arrestimit të tij.

Meta thotë se nuk mund të presësh më shumë nga një gjykatë, ku anëtarja më e mirë e tyre vajti u betua te noterja tek ura e Lanës.

 

Përgjigjja e Metës

 

Aspak. I zhgënjyer, do isha po të kishte marrë një vendim dinjitoz pasi do më vinte në vështirësi për gjithçka kam denoncuar që nga mitingu historik i 2 marsit 2020 për kapjen mafioze të Gjykatës Kushtetuese me betimet te noteri te Lana, me bekimin e diplomatëve të korruptuar, tip McGonigal. Por të gjithë duhet të kuptojnë se pa konsumuar të gjitha fazat e gjykimit të brendshëm, çështja nuk mund t’i drejtohet Gjykatës së Strasburgut.

Ajo që e bën më të turpshme Gjykatën Kushtetuese që shpërndau një komunikatë sorosiste e jashtë çdo standardi profesional, është mosgjykimi i kërkesës sonë kryesore për mënyrën e arrestimit dhe standardet kushtetuese të tij që vetëm Gjykata Kushtetuese ka të drejtë e detyrë të shprehet, jo vetëm bazuar në nenet e Kushtetutës, por edhe parashikimet e Konventës Europiane për këto raste.

Justifikimi banal se për këtë nuk shprehemi ne pasi po e heton Prokuroria është skandaloz, pasi Prokuroria heton për përgjegjësitë penale në shkeljen e ligjshmërisë dhe nuk mund të shprehet kurrë për standardet kushtetuese se nuk e ka këtë përgjegjësi.

Ata thjesht e vonuan gjykimin me 6 muaj përtej afatit të ligjshëm dhe nuk na zhgënjyen me kamikazllëkun e tyre partiak. Ç'mund të presësh kur më e mira e tyre vajti u betua te noterja te Lana?





Lajmet e fundit nga