web counter
LEXO PA REKLAMA!

SHKARKO APP

App Store
Google Play

Kurti refuzon draft-statutin e Ramës për Asociacionin/ “Jo tekste alternative”

8 Qershor 2023, 16:37, Politikë CNA

Kurti refuzon draft-statutin e Ramës për Asociacionin/ “Jo

Kryeminstri i Kosovës, Albin Kurti  gjatë seancës në Kuvendin e Kosovës këtë të enjte, foli në lidhje me Asociacionin e komunave me shumicë serbe në veri të Kosovës.

Kurti tha se për çështjen e asociacionit nuk mund të pranohen tekste alternative nëse palët nuk dakordësohen parimisht, duke nënkuptuar nismën e ndërmarrë nga Kryeministri Edi Rama, i cili tha sot se kishte dorëzuar te ndërkombëtarët një draft në lidhje me Asociacionin.

Ndër të tjera, ai shtoi se draft-statutin e tij për këtë çështje e ka prezantuar tashmë para ndërkombëtarëve më 2 maj.

“Unë kam prezantuar me 2 maj draft – vizionin. Unë këtë mund të thellojë (vizionin për statutin e Asociacionit), por thellimi i kësaj nënkupton pajtueshmëri në parim. Pra, kur të pajtohemi në parim, përfshirë edhe ato shtyllat që unë i kam thënë në Ohër, atëherë lirisht mund të thellojmë tekstin. Por, nuk mund të shkruajmë tekste alternative ndërmjet të cilëve mund të gjendet një mesatare aritmetikore pa u pajtuar njëherë në parim”, tha ai.

Kurti shtoi se draft-vizioni i propozuar nga ai në takimin e 2 majit u refuzua nga Brukseli.

“Rrjedhimisht unë kam propozuar një draft-vizion për të zbatuar nenin shtatë të marrëveshjes bazike dhe në lidhje me nenin 10, për të cilin nuk kam pranuar së pari aprovimin e palës tjetër dhe më pas edhe të Brukselit zyrtar, i cili vazhdon të konsiderojë këtë çështje të hapur”, deklaroi kryeministri i Kosovës./ CNA.al





Lajmet e fundit nga