Kur do të hetojë SPAK-u Ilir Metën dhe armatën e LSI-së?

2 Korrik 2022, 09:23, Politikë CNA

Kur do të hetojë SPAK-u Ilir Metën dhe armatën e

Ilir Meta

Ilir Meta është në ditët e fundit të qëndrimit në Presidencë.

Meta gjatë 5 viteve si president, ka dalë shumë herë nga roli i tij kushtetues, duke marrë edhe drejtime politike, në shumë situata.

Bojkoti parlamentar, zgjedhjet e përgjithshme të 25 prillit, përplasjet për zyrat e FRPD-së dhe sulmet ndaj qeverisë kanë bërë që Meta “të dalë” nga vetja. PS ngriti dy herë komisionin hetimor për ta shkarkuar nga detyra, por në asnjë rast nuk ia dolën.

Por, nën sulmet e Metës gjatë këtyre 5 viteve, nuk ka qenë vetëm qeveria, por edhe ambasada e SHBA-së në Tiranë dhe Yuri Kim. Presidenti në detyrë ka deklaruar më herët se në datën 25 korrik do t'i rikthehet frontit opozitar kundër qeverisë. “Nis një luftë e pakompromis kundër mafies lokale, rajonale dhe ndërkombëtare”, u shpreh Meta pak kohë më parë.

Por çfarë halli ka presidenti në detyrë?

Reforma në drejtësi duket se e ka tmerruar presidentin në detyrë.

Meta duhet të dënohet për të gjitha bëmat dhe gjëmat që ka kryer gjatë 30 viteve të fundit.

Një i ri nga Skrapari, që erdhi në Tiranë me një palë rroba, të shndërrohet në një nga miliarderët e vendit.

Për gjatë gjithë këtyre viteve demokraci, Meta ka mundur të marrë çdo post të mundshëm. Ai ka qenë deputet, kryeministër, kryetar Kuvendi, ministër, president apo në poste të tjera, të cilat janë para të paguara nga taksapaguesit shqiptarë.

Kur do të hetojë SPAK-u Ilir Metën dhe armatën e

Është kapur “me presh në duar” për vjedhjen e thesarit dhe është akuzuar nga Partia Demokratike me të cilën shkoi në bashkëqeverisje në vitin 2009.

Është njeriu, i cili u kap me bllok në dorë në vitin 2010, përmes një videopërgjimi të publikuar nga emisioni “Fiks Fare” me Dritan Priftin dhe në janar të 2011-ës, për katër njerëz humbën jetën në bulevard, pasi kërkonin të vërtetën e bllokut të Ilir Metës.

Më pas iku, “braktisi” dhe Berishën, pasi kishte tradhtuar socialistët në vitin 2005 dhe 2009, shkoi me Edi Ramën dhe Rilindjen që u bë copash që të vinte në pushtet, me atë parti të cilën sot e akuzon.

Pasi qëndroi katër vjet dhe u zhgërrye e vodhi me Ramën dhe Rilindjen, me Shqipërinë e mbuluar me drogë dhe korrupsion, Ilir Meta zgjidhet President, pasi gënjeu Lulin në çadër.

Sot, Meta del me “shpatë të madhe” kundër qeverisë, me akuza nga më të ndryshmet. Kundër mazhorancës, në skenë ka dalë edhe armata e LSI-së, të cilët edhe ata si Meta sot duhet të ishin nën hetim nga SPAK-u për pasojat që i kanë sjellë vendit.

Kur do të hetojë SPAK-u Ilir Metën dhe armatën e

Petrit Vasili & Co prej disa kohësh dalin në sulm për rrugën Kardhiq-Delvinë, një segment ky i nisur që në kohën e LSI-së kur ministër i Transporteve ishte Edmond Haxhinasto. Rrugë që ngelën rrugëve, si segmenti Kardhiq-Delvinë dhe shumë segmente të tjera, për të cilat eksponentë të LSI-së nuk kanë bërë asnjë investim, por vetëm kanë vjedhur.

Vetëm me faktet dhe provat që janë publikuar në media, kur do të nisë SPAK-u hetimet për Ilir Metën dhe armatën e LSI-së? A duhet sot ata të jenë para drejtësisë për pasojat që i kanë shkaktuar vendit?

Korrupsioni në Shqipëri sot është më shumë se kurrë dominant, e nëse ka një parti që e ka promovuar e para këtë gjë, sidomos në blerjen e votave, ajo është LSI-ja, ndaj drejtësia nuk duhet të heshtë përballë fakteve konkrete që janë bërë publike./CNA.al