web counter
LEXO PA REKLAMA!

SHKARKO APP

App Store
Google Play

Kreu i PD-së Romë, akuza Ramës/ "Është i lidhur ngushtë me organizata antishqiptare"

9 Shkurt 2025, 14:24, Politikë CNA
Kreu i PD-së Romë, akuza Ramës/ "Është i lidhur
Kryetari i PD-së në Romë, Bardhok Doda

Kryetari i PD-së në Romë, Bardhok Doda, gjatë takimit me emigrantët shqiptarë hodhi akuza ndaj kryeministrit Edi Rama.

Doda e cilësoi Ramën si antishqiptar, ndërsa pretendoi se kreu i qeverisë është i lidhur ngushtë me organizata që nuk ia duan të mirën kombit.

Sipas tij, qëllimi i Ramës është të zgjasë pushtetin e mbështetur në krim, ryshfet dhe korrupsion në çdo aspekt të qeverisjes

“Është kënaqësi dhe nder për mua të shoh këtë sallë të mbushur plot, gjë që tregon më së miri mbështetjen e pakufizuar që ju i jepni kauzës sonë të përbashkët: çrrënjosjes së regjimit autokrat, të vendosur tashmë prej 12 vitesh në Shqipëri nga një antishqiptar si Edvin Kristaq Rama.

Ky individ, i lidhur ngushtë me organizata që nuk ia duan të mirën kombit tonë, po bën gjithçka të mundur për të zbrazur Shqipërinë, me qëllim që ta sundojnë më lehtë dhe ta zgjasin pushtetin e tyre të mbështetur në krim, ryshfet dhe korrupsion në çdo aspekt të qeverisjes. Shembulli më i qartë i këtij bashkëpunimi kriminal ishte edhe izolimi për më shumë se një vit i liderit Sali Berisha. SPAK-u, si një krijesë e pastër e organizatës Sorosiane, kishte për qëllim shkatërrimin e Partisë Demokratike, duke synuar të sigurojë që Edvin Kristaq Rama të zgjasë sa më shumë pushtetin e tij. Por, gjatë këtyre viteve, ata nuk ia dolën të demoralizonin demokratët, të cilët, edhe pse të mbetur pa liderin e tyre, dolën në rrugët e Shqipërisë në mbrojtje të kauzës për një Shqipëri demokratike dhe për largimin e këtij regjimi, që synon shuarjen e opozitarizmit.

Por kohët po ndryshojnë. Tani është koha jonë! Populli e ka kuptuar tashmë që ndryshimi duhet të vijë, dhe këtë ndryshim e sjell vetëm ardhja e Partisë Demokratike në pushtet. Vetëm idetë dhe programi i partisë sonë do t’i hapin rrugën çlirimit të vendit nga vargonjtë e krimit dhe korrupsionit që ka kapur çdo cep të qeverisjes aktuale, me Edvin Kristaq Ramën në krye”, theksoi Doda./ CNA





Lajmet e fundit nga