web counter
LEXO PA REKLAMA!

SHKARKO APP

App Store
Google Play

E fundit!

x

Kontrata e lobimit të PD-së në SHBA/ Nuredin Seci “thyen” heshtjen: Ja pse vendosa të financoj për opozitën

2 Maj 2025, 09:56, Politikë CNA

Kontrata e lobimit të PD-së në SHBA/ Nuredin Seci

Gazetari dhe moderatori i emisionit "Opinion", Blendi Fevziu, ka publikuar reagimin ekskluziv të Nuredin Secit, i cili është garantor i kontratës së lobimit në favor të PD-së në Uashington.

Seci është shprehur se është i përkushtuar ndaj forcimit të marrëdhënieve mes Shqipërisë dhe Amerikës dhe për këtë arsye vendosi të ofrojë mbështetjen e tij financiare për opozitën shqiptare me bindjen se përfaqësimi dinjitoz dhe profesional në kryeqytetin amerikan është thelbësor për avancimin e interesave për një Shqipëri demokratike e të lirë.

Kontrata e lobimit të PD-së në SHBA/ Nuredin Seci

“Zotëria më çon…Nuredin Seci, New Jersey. Përshëndetje, duke dëgjuar panelin tuaj sonte dua të bëj një sqarim për çështjen e PD-së në US si biznesmen shqiptaro-amerikan. Me dashuri të thellë për Shtetet e Bashkuara të Amerikës kam qenë dhe mbetem i përkushtuar ndaj forcimit të marrëdhënieve mes dy vendeve tona. Për këtë arsye vendosa të ofroj mbështetjen time financiare për opozitën shqiptare me bindjen e palëkundur se përfaqësimi dinjitoz dhe profesional në kryeqytetin amerikan është thelbësor për avancimin e interesave për një Shqipëri demokratike e të lirë. Mbështetja që ka filluar të marrë nga anëtarë të komunitetit shqiptaro-amerikan është një dëshmi inkurajuese e ndjenjës tonë të përbashkët për ruajtjen e kësaj lidhjeje të veçantë mes dy vendeve tona”, thuhej në reagimin e tij.

Seci më tej shton për "Opinion" se nuk është i befasuar nga sulmet e pabaza dhe përhapja e dezinformimit nga individë dhe grupe që janë kundër Trump-it dhe nuk përkrahin një Shqipëri demokratike.

Ndër të tjera Seci ka deklaruar se qëllimi i tij ka qenë mbështetja e profesionistëve më të kualifikuar në fushën e marëdhënieve me qeverinë amerikane.

Ai nënvizon se do të vazhdojë të mbështesë pa ndërprerje Shqipërinë dhe Amerikën.

“Qëllimi im ka qenë dhe mbetet të mbështes angazhimin e profesionistëve më të kualifikuar në fushën e marrëdhënieve me qeverinë amerikane. Ata që e kuptojnë realisht thellësinë e lidhjes historike mes dy vendeve dhe që njohin mundësitë që lindin nga udhëheqja e fortë e Presidentit Trump dhe janë të gatshëm të avokatojnë për një të ardhme më të mirë të Shqipërisë. Si një person privat kam vendosur të mos bëj më deklarata të tjerta publike siç nuk kam bërë për fondacionin që drejtoj, përmes të cilit ndihmoj familje me fëmijë të spektrit autik në Shqipëri. Përkatësisht në Tropojë e Tepelenë. Përkushtimi im për të mbështetur Amerikën dhe Shqipërinë do vazhdojë pa ndërprerje. Zoti e bekoftë miqësinë mes dy vendeve”, ka deklaruar Nuredin Seci./ CNA





Lajmet e fundit nga