web counter
LEXO PA REKLAMA!

SHKARKO APP

App Store
Google Play

"Kishte marrëveshje me qeverinë"/ Berisha: Në 2021, Basha merrej me mua, jo me vjedhjen e votës

26 Dhjetor 2025, 11:12, Politikë CNA

"Kishte marrëveshje me qeverinë"/ Berisha: Në 2021,

Turi i “foltores” së PD ka vijuar ditën e sotme në Manëz. Kryedemokrati Sali Berisha e nisi fjalën e tij para qytetarëve dhe simpatizantëve me zgjedhjet e 2021, të cilat sipas tij u vodhën nga qeveria.

Gjatë fjalës së tij, Berisha tha se ish-kreu i PD-së, Lulzim Basha nuk dënonte vjedhjen e votës, pasi sipas tij kishte marrëveshje me qeverinë.

Kreu i opozitës, foli më tej edhe për “11 majin”, ku tha se nuk do të kishin humbur nëse kryeministri Edi Rama nuk do të falte gjobat dy ditë para zgjedhjeve.

“Na sulmuan në gjitha mënyrat, por dështuan. Rezistuam padrejtësitë më të mëdha. Erdhëm në zgjedhje dhe zhvilluam fushatën më të bukur. Kishim programin më të shkëlqyer. Kur një kryeministër vendos të mos dorëzojë pushtetin, ka të gjitha mjetet për të blerë dhe manipuluar votën. Në 2021 ai grabiti zgjedhjet duke shpërndarë 130 milionë euro, dëmtime nga tërmeti. Por një akt i tillë përbën vjedhje vote. Beteja të padrejta nuk mund të bësh. Zgjedhjet janë sa kombëtare dhe ndërkombëtare.

Ish-kryetari në vend që të merrej me grabijten e votës, u mor me mua. Se ishte në marrëveshje me të, harroi çfarë bëri qeveria.

 Në 11 maj, opozita nuk do të humbte kurrë zgjedhjet, nëse Edi Rama nuk do të falte 2 miliardë euro gjoba dhe kamata dy ditë para zgjedhjeve. Nuk do të organizonte qindra veprimtari kombëtare e ndërkombëtare për të ndikuar te zgjedhësit. Por 2021 nuk mund të përsëritej më. Ai bëri gjithcka të ndryshonte raportin e ndërkombëtarëve, por dështoi. Përdori të gjitha format, por ne gjithashtu bëmë gjithcka dhe nuk kishim asgjë në dorë përveç të vërtetatve që sollët ju”, tha Berisha. /CNA





Lajmet e fundit nga