web counter
LEXO PA REKLAMA!

SHKARKO APP

App Store
Google Play

Keqqeverisja dhe largimi i shqiptarëve/ Topalli: Ne po zhdukemi

18 Prill 2023, 09:21, Politikë CNA
Keqqeverisja dhe largimi i shqiptarëve/ Topalli: Ne po zhdukemi
Ish-kryeparlamentarja, Jozefina Topalli

Ishkryeparlamentarja, Jozefina Topalli, ka folur për largimin e shqiptarëve nga vendi.

Gjatë një interviste, Topalli është shprehur se në 8 vitet e fundit janë larguar rreth 800 mijë shqiptarë, shumica e tyre të rinj.

Sipas ish-kryeparlamentares, nëse vijon kjo keqqeverisje, shqiptarët do të zhduken, ndaj duhet të stopohet.

 “Ne kemi vetëm në 8 vitet e fundit 800 mijë shqiptarë, shumica e të cilëve të rinj, që janë larguar nga Shqipëria. Një vend ku ik rinia është një vend pa perspektivë. Ne do pranojmë që të zhdukemi sepse ne po zhdukemi, në qoftë se ne nuk pranojmë se po zhdukemi ne kemi një problem të madh me veten dhe kjo të stopohet duhet të bëhet diçka e madhe e fortë, e ka emrin ndryshim dhe ky ndryshim duhet të fillojë që tani”, theksoi ajo.

Ndër të tjera Topalli, diskutoi rreth zgjedhjeve të 14 majit, ku u shpreh se në këto zgjedhje, kryebashkiaku Erion Veliaj do të përballet me një opozitë të vërtetë.

“Erion Veliaj nuk është votuar asnjëherë për të provuar veten në garë, në 2019 e mori pa asnjë garë sepse Lulzim Basha ia dhuroi, katër vite më parë kishte përsëri aleancën e Lulzim Bashës, pavarësisht se nxori kandidatë shumë të mirë në atë kohë doktori, doktor Kosovën, por Lulzim Basha kishte një raport dhe vazhdon ta ketë një raport shumë special me Veliajn. Veliaj nuk e ka provuar kurrë veten me një kandidat real politik, me një opozitë reale që nxjerrë një kandidat dhe që pretendon ta marrë bashkinë”, tha ajo./ CNA.al





Lajmet e fundit nga