web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: PD është gati për të rrëzuar qeverinë e Ramës dhe për të qeverisur vendin

13 Qershor 2022, 21:56, Politikë CNA
Këlliçi: PD është gati për të rrëzuar
Deputeti Belind Këlliçi

Deputeti demokrat Belind Këlliçi deklaroi se me riformatimin e Partisë Demokratike dhe me Sali Berishën në krye, do të bëjnë opozitë të vërtetë për të rrëzuar qeverinë e Edi Ramës.

Këlliçi deklaroi nga New York-u, se nuk do të ndalen duke denoncuar aferat e qeverisë, ndërsa shtoi se Partia Demokratike është e gatshme për të qeverisur.

"Do të bëjmë opozitë frontale, pa kompromis. Opozitë e cila është e vërtetë me qeverinë që nuk ka frikë të ngrejë zërin për aferat korruptive, nuk bën kompromis”, tha Këlliçi.

Më tej ai theksoi se, “për të gjitha shkeljet absurde në Shqipëri, çmimi i lartë i karburantit, inflacioni më i larti në Ballkan, aferat korruptive nuk i lënë vend njëra-tjetrës, Agim Kajmaku u arrestua për trafik kokaine, s'mund të rrimë pa folur për këto fakte, është kthyer Shqipëria në një rast studimor, jo vetëm keqqeverisje, por dhe promovimi i njerëzve me precedent penal se kemi në krye të qeverisë Edi Ramën”.

 

Me PD-në e riformatuar dhe Berishën në krye, -tha Këlliçi,- lufta ndaj këtyre fenomeve duhet te jetë pa kompromis në të mirë të interesit publik dhe të vendit.

Deputeti demokrat, premtoi se, PD është gati për të rrëzuar qeverinë e Ramës dhe për të qeverisur vendin./CNA.al





Lajmet e fundit nga