web counter
LEXO PA REKLAMA!

SHKARKO APP

App Store
Google Play

E fundit!

x

Shpalli pavlefshmërinë e zgjedhjeve në Rrogozhinë/ Berisha kundër Kolegjit Zgjedhor

16 Qershor 2023, 12:26, Politikë CNA

Shpalli pavlefshmërinë e zgjedhjeve në Rrogozhinë/ Berisha

Sali Berisha ka dalë kundra vendimit të pavlefshmërisë së zgjedhjeve në Rrogozhinë.
Vendimi u shpall ditën e djeshme nga Kolegji Zgjedhor.
Më herët KAS kishte miratuar rinumërimin e kutive të votimit per Rrogozhinën dhe nga rinumërimi, kandidatit Shkëlqim Hoxha ju shtuan 9 vota.

Nuk është e qartë se mbi cilat argumenta Kolegji Zgjedhor ka vendosur shpalljen e pavlefshmerisë, pasi kjo kërkesë nuk ka qenë shqyrtuar më parë nga KAS, pasiqë ankuesit deklaronin qartë në KAS se nuk kërkonin pavlefshmerinë e ndonje qendre votimi dhe aq më pak pavlefshmërinë e zgjedhjeve të gjithë bashkisë.

Kolegji Zgjedhor nuk mund te shqyrtojë kërkesa që nuk janë shqyrtuar më parë në rrugë administrative nga KAS.

Do ishte rasti i parë në historinë e Kolegjeve Zgjedhore, që një Kolegj të ketë marrë në shqyrtim kërkesa për të cilat nuk kish disponuar më parë KAS e aq më pak që Kolegji të miratojë një kërkesë që nuk i është bërë fare nga kërkuesit.

Deklarata e Berishës gjatë konferencës për shtyp më së paku dëshmon se ai vetë nuk ka patur dijeni për Kërkesa për pavlefshmëri për sa i takon Rrogozhinës.

"Çdo ditë që kalon, farsa elektorale nxin edhe më shumë, bëhet më e zezë. Hapjet e dokumenteve dëshmojnë se me 14 maj, shqiptarët përjetuan një farsë të tillë që mund të mbahet mend vetëm në kohërat e diktaturës.

Në mënyrë antiligjore po sillen edhe organet e trajtimit të ankesave. Flamurin e lakejve të regjimit e mban si gjithnjë drejtuesi i KAS, por paralel ecin edhe institucionet e tjera.

Dje, në Kolegjin Elektoral u shqyrtua dosja e Rrogozhinës, në të cilën kutia e burgut të Rrogozhinës nuk plotësonte asnjë kusht ligjor të një qendre të votimit. Pra, para çdo gjykatësi me minimumin e integritetit profesional, ajo shpallej e pavlefshme. Dhe tani gjykata, në një vendim të kontrolluar, shpalli të gjithë zonën të pavlefshme për një qendër votimi.

A ka logjikë njerëzore të dënosh 10 mijë, 15 mijë, sa mund të jenë zgjedhësit e Rrogozhinës, për manipulimin? Në vend që gjykata të kërkonte dënimin si kriminel elektoral të Ulsi Manjës, Erion Veliajt dhe drejtorit të burgut të Rrogozhinës, që stisën qendrën e votimit në burg për të ndryshuar rezultatin."/CNA





Lajmet e fundit nga