web counter
LEXO PA REKLAMA!

SHKARKO APP

App Store
Google Play

"Ka bërë ankesa pranë platformave online"/ Vangjeli: Shteti nuk i jep qytetarit të sëmurë KEMP-in

29 Nëntor 2025, 11:34, Politikë CNA

"Ka bërë ankesa pranë platformave online"/ Vangjeli:

Zëdhënësja për Antikorrupsionin në Partinë Demokratike, Genta Vangjeli, në një deklaratë nga selia blu ngriti rastin e një qytetari të diagnostikuar me stemi laterale dhe sëmundje të tjera shoqëruese, të cilit institucionet nuk i lidhin KEMP-in.

Vangjeli deklaron se qytetari Arben Kalemaj i plotëson kushtet për të përfituar KEMP-in, por pavarësisht kërkesave drejtuar institucioneve, nuk ka marrë zgjidhje.

Partia Demokratike kërkon ekzekutimin e menjëhershëm të ligjit nga administrata shtetërore.

 

"Partia Demokratike përcjell sot shqetësimin e qytetarit Arben Kalemaj, i cili denoncon se prej vitesh po përballet me një padrejtësi flagrante nga institucionet shtetërore.

Kalemaj është i diagnostikuar me Stemi laterale dhe sëmundje të tjera shoqëruese.

Bazuar në diagnozën, trajtimin mjekësor dhe pasojat funksionale të evidentuara edhe pas rehabilitimit multidisiplinar, shërbimi i kardiologjisë pranë QSUNT, më 9 maj 2022, e ka referuar rastin e tij në Komisionin Mjekësor të Caktimit të Aftësisë për Punë për vlerësimin e së drejtës së përfitimit të ndihmës ekonomike për invaliditet.

Më 5 tetor 2022, ky komision, me vërtetimin nr. 2753, ka konfirmuar se Arben Kalemaj plotëson kushtet ligjore për të përfituar të ardhura për invaliditet.

Megjithatë, pavarësisht dorëzimit të të gjithë dokumentacionit të kërkuar, zoti Kalemaj denoncon se deri sot nuk ka përfituar asnjë pagesë, duke u sorollatur për vite me radhë në dyert e institucioneve shtetërore, pa asnjë rezultat konkret. Sipas tij, asnjë zyrtar nuk ia mohon këtë të drejtë, por as nuk e ekzekuton atë.

Zoti Kalemaj ka paraqitur ankesë edhe pranë platformave elektronike të ngritura nga Kryeministri, por sërish nuk ka marrë asnjë zgjidhje.

Partia Demokratike kërkon ekzekutimin e menjëhershëm të ligjit nga administrata shtetërore dhe trajtimin me dinjitet të qytetarëve që kanë të drejtë të përfitojnë mbështetje", deklaron Vangjeli./CNA

 





Lajmet e fundit nga