web counter
LEXO PA REKLAMA!

SHKARKO APP

App Store
Google Play

“Freno pak, Flamur!”/ Murrizi-Nokës: Nga heshtja dhe servilizmi jemi 12 vite në opozitë

27 Nëntor 2025, 15:55, Politikë CNA

“Freno pak, Flamur!”/ Murrizi-Nokës: Nga heshtja dhe servilizmi

Ish-deputeti Myslim Murrizi ka reaguar sot ndaj demokratit Flamur Noka, duke i rikujtuar PD-së se partia është në opozitë prej 12 vitesh.

Përmes një postimi në rrjetet sociale, Murrizi shprehet se Partia Demokratike është në ditët më të vështira të 35 viteve të ekzistencës së vet, dhe sipas tij jo prej debatit apo mendimit ndryshe, por nga heshtja dhe servilizmi brenda partisë.

 “Pak më ngadalë, Flamur.
Freno pak, nëse nuk i ke djegur krejt ferrotat, sepse nuk ta kanë fajin DEMOKRATËT që prej vitit 2013 je bërë deputet pa u votuar nga qytetarët, por duke u futur në lista të mbyllura sipas atij kodi zgjedhor të bastarduar e të “bylykbashizuar”.

Anëtarët e PD nuk janë as vartësit e tu e as të paguar nga ti; ata janë idealistë, të guximshëm dhe njerëz që kanë sakrifikuar mund e kohë për çdo betejë që ka bërë PD këto 35 vite.
Ti paguhesh, Flamur, prej vitit 2005 nga kontributi dhe sakrifica e tyre.

Lëri të flasin, Flamur. Mos u bëj si Muho Asllani apo Hekuran Isai, sepse PD është krijuar nga njerëz të lirë, me dinjitet dhe me guxim, në dhjetor 1990, dhe do të ekzistojë falë tyre.

Nga heshtja dhe servilizmi jemi 12 vite në opozitë dhe sot jemi në ditët më të vështira të 35 viteve të ekzistencës së PD—jo prej debatit apo mendimit ndryshe.

Qetësohu, Flamur. Në PD secili ka ardhur për bindjet, programin, idealizmin dhe shpresën për një qeverisje më të mirë se kjo që kemi sot, jo për ty si sekretar, as për Berishën si kryetar, e as për Gazin, Gjekmarkajn dhe Bylykbashin si nënkryetarë.

Kjo zonjë e nderuar nuk i bën asnjë dëm PD-së, asnjë zë i tillë që vjen nga shpirti rebel i çdo demokrati në çdo cep të Shqipëris.

PD-në e dëmton jashtë mase sjellja jote, Flamur, dhe ajo e atij rrethi të ngushtë butakësh rreth teje dhe Berishës, që nuk ju ka votuar askush në katër palë zgjedhje, por silleni sikur keni në dorë jetën e kujtdo që mendoni se është vartës i juaj pse është anëtar i PD ose opozitar me Ramën”,-shkruan Murrizi./CNA 

 





Lajmet e fundit nga