web counter
LEXO PA REKLAMA!

SHKARKO APP

App Store
Google Play

E fundit!

x

“Jemi në autokraci”/ Patozi: Të dyja pjesët e mollës janë të kalbura

8 Dhjetor 2022, 22:55, Politikë CNA
“Jemi në autokraci”/ Patozi: Të dyja pjesët e
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, tha mbrëmjen e sotme se vendi nuk është më në demokraci, por në autokraci.

Këtë deklaratë Patozi e bëri në emisionin “Top Story”, teksa po fliste për impaktet e lëvizjes së dhjetorit 1990.

Ai theksoi se lëvizja e asaj kohe e arriti qëllimin, por sipas tij tashmë vendi ka rënë në një situatë të keqe, për shkak se të dyja pjesët e mollës janë të kalbura.

“Ne nuk duhet të kemi asnjë lloj dileme që lëvizja e dhjetorit ishte lëvizja e duhur për Shqipërinë e asaj kohe. Po të kthehemi sot, kemi arritur objektivat apo jemi në Shqipërinë që duhet të kishim, kërkon një përgjigje më të zgjeruar. Atëherë shpëtuam nga diktatura në kërkim të demokracisë, por sot nuk jemi në demokraci, jemi në autokraci. Autokracia sigurisht që është më e mirë se diktatura, por fjala jote e vullneti yt nuk ka rëndësi.

Kemi bërë 32 vite për këtë hap, por për fat të keq nuk kemi rënë papritur në këtë situatë, kemi rënë me dashje. Ajo që më dhemb më shumë nuk është fakti që ne jemi në këtë gjendje sot. Do të ishte gjysma e së keqes vetëm nëse pjesa e kalbur e mollës do të ishte autokrate, ndërsa pjesa e shëndoshë do të ishte demokratike. Problemi është se të dyja pjesët e mollës janë të kalbura. Gjithë zhvillimi i 30 viteve ka treguar se nuk është kjo rruga”, nënvizoi ish-koordinatori i Bindjes Demokratike./ B.A. – CNA.al





Lajmet e fundit nga