web counter
LEXO PA REKLAMA!

SHKARKO APP

App Store
Google Play

E fundit!

x

Interpelanca me ministrin Karakaçi/ Afatet nga përfundimi i hyrjes në Shkodër, tek Ura e Bahçallëkut dhe rruga Milot-Balldren

4 Qershor 2026, 14:57, Politikë CNA

Interpelanca me ministrin Karakaçi/ Afatet nga përfundimi i hyrjes

Ministri i Energjisë dhe Infrastrukturës, Enea Karakaçi, ndau disa detaje këtë të enjte lidhur me projekte me rëndësi mbi të cilat po punohet aktualisht.

Siç theksoi gjatë interpelancës në Kuvend, Karakaçi tha se rruga e hyrjes së Shkodrës do të jetë e përfunduar brenda 23 qershorit.

Sipas ministrit, projekti i Urës së Bahçallëkut do të përfundojë në dhjetor 2026.

Ndërsa për aksin Milot-Balldren, Karakaçi u shpreh se ka një vonesë dyjavore sepse koncensionimi është në fazën përmbyllëse.

“Jemi në përputhje me kushtet e kontratës. Që nga maji është e aksesueshme në të dyja korsitë. Do të përfundojë brenda afatit, brenda datës 23 qershor do të jetë i përfunduar. Është shtuar një rrethrrotullim që u konsiderua i nevojshëm për komunikimin e banorëve dhe bizneseve në dy anët e rrugës. Jam i pakënaqur sepse humbet lëvizshmëria, por projektet rrugore lidhen edhe me ndërlidhjen e banorëve.

Brenda muajit nëntor-dhjetor të vitit 2026, ura e Bahçallëkut është e përfunduar. Lumi ka qenë në nivel të lartë dhe është e pamundur të punohet.

Sa i përket rrugës së Dukagjinit, punimet e parashikuara janë përfunduar dhe kolauduar gjatë 2025 në përputhje me afatet.

Ura e Matit ka pasur ndërhyrje në këmbët e urës që të mos kishim rrezik. Ajo urë është pjesë e projektit të Bankës Botërore për riasfaltimin në tërësi. Riveshja me asfalt e asaj ure besoj duhet të fillojë në muajin shtator.

Ura e Lezhës është në vëmendje dhe grupet e terrenit janë në monitorim të vazhdueshëm.

Milot-Balldreni është projekt jashtëzakonisht shumë i rëndësishëm. Ai aks është në kohën jashtë sezonit veror dhe është jashtë kapaciteteve. Fituesi duhet të kishte dalë brenda datës 20 maj, kërkoj shumë ndjesë sepse i ndiej ato dy javë të humbura. Projekti i Milot-Balldrenit është në fazë koncensionimi, është në fazën përmbyllëse”, tha Karakaçi./CNA





Lajmet e fundit nga