web counter
LEXO PA REKLAMA!

SHKARKO APP

App Store
Google Play

Abuzimi me tenderat në Bashkinë e Tiranës/ Shehaj tregon lidhjet e Qatos

26 Prill 2023, 20:02, Politikë CNA
Abuzimi me tenderat në Bashkinë e Tiranës/ Shehaj tregon lidhjet
Ekspertja e ekonomisë, Brisida Shehaj

Kandidati i opozitës për kryeqytetin, Belind Këlliçi denoncoi korrupsionin në Bashkinë e Tiranës, e cila i kishte dhënë tendera dhe leje ndërtimi drejtorit të IMT-së, Mariglen Qatos.

Lidhur me këtë denoncim ka folur ekspertja e ekonomisë, Brisida Shehaj. Ajo e quajti dhënien e tenderave për Qaton një skandal dhe një nga rastet më flagrante që flet për abuzimin.

Ajo bëri thirrje që të hetohet fitimi i tenderave dhe prokurimeve nga drejtori i IMT-së.

"Është ndër rastet më flagrante që flet për abuzimet me fondet. Kemi informacione për disa nga drejtorët e bashkisë së Tiranës që kanë përdorur jo lidhje të drejtpërdrejta familjare, por lidhje shumë të afërta shoqërore. Ne kemi vendosur të flasim me fakte. Kemi lidhje nepotike. Zonja Elisabeta Cjapi dhe Taulant Cjapi janë motër e vëlla të cilët janë kunetërit, motra dhe vëllai i gruas së Mariglen Qatos dhe sigurisht vëllai i Mariglen Qatos, Klevis Qato që punon në bashki. Ajo zonja është drejtoresha e financës në UKT. Mariglen Qato fillimisht ka punuar në UKT, ka qenë anëtar bordi dhe drejtues. Në 2018 ngrihet në detyrë dhe bëhet drejtor i IMT-së Tiranë. Mariglen Qato, Redi Molla që ka qenë drejtor i Përgjithshëm dhe Elvin Tivari një lidhje që del më vonë, kanë punuar të tre bashkë në UKT.

Tek tenderat sipas viteve. Muhamet Petriti është vjehrri i Alfred Qatos i cili është vëllai i Mariglen Qatos. Muhamet Petriti ka qenë pronar i kompanisë në fjalë që flasim dhe kjo kompani ka përfituar diku te 25 mln euro pa TVSH vetëm tendera. 25 tendera vijnë direkt nga Bashkia e Tiranës. Një kompani e sapohapour gjëja e parë që bën fiton tendera. Kjo kompani ka bërë edhe demolimin e pallatit në "Myslym Keta", pallatin që Belind Këlliçi e denoncoi si një aferë dhe nuk duhej shembur se nuk kishte ato dëme nga tërmeti. Kjo kompani e famshme VAS dhe më pas u bë 5D Konstruksion ka fituar edhe tenderin për të prishur atë pallat. Pra, kompania e Mariglen Qatos, drejtori i IMT-së, ka fituar edhe tenderin për të prishur atë pallat. Ka fituar tendera për rrugë, pedonale", theksoi ekspertja e ekonomisë./ CNA.al





Lajmet e fundit nga