web counter
LEXO PA REKLAMA!

SHKARKO APP

E fundit!

x

I dënuar nga GJKKO/ Kryebashkiaku refuzon të japë dorëheqjen

26 Janar 2025, 13:29, Politikë CNA

I dënuar nga GJKKO/ Kryebashkiaku refuzon të japë dorëheqjen

Kryetari i Bashkisë së Rrogozhinës, Edison Memolla, u shpall nga GJKKO-ja fajtor për veprën penale të “korrupsionit aktiv në zgjedhje”, ndërsa u dënua me një vit burg dhe ndalimin për pesë vite të ushtrimit të funksioneve publike.

Megjithatë, ai refuzon të japë dorëheqjen nga posti dhe nëpërmjet një postimi në rrjetet sociale thekson se do të presë edhe vendimin e Apelit për të pranuar më pas çdo verdikt të drejtësisë së re.

“Që kur m'u besua detyra e përfaqësuesit të popullit tim, kam qenë në dijeni për peshën që do sillte në çdo dimension të sajin.

Drejtësinë e Re e kam mbështetur fuqimisht dhe si rrjedhojë jam i hapur të pranoj çfarëdolloj vendimi të dhënë kundrejt meje, por kjo nuk më pengon të apeloj një vendim, i cili nuk është i mbështetur aspak në prova dhe fakte.

Theksoj se deri në një vendim të formës së prerë e më tej, unë jam kryetar i Bashkisë Rrogozhinë, në krye të detyrës dhe i vetëdijshëm për të gjitha përgjegjësitë që ky post sjell.

Së fundmi, ju falënderoj nga zemra të gjithë juve që keni qenë pranë meje duke më njohur, mbështetur si njeri, duke besuar të vërtetën time të pafajshme dhe s'më keni kthyer shpinën edhe kur situata duket e vështirë”, tha Memolla. /CNA





Lajmet e fundit nga