web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore/ KQZ shpërndan rreth 100 milionë lekë për partitë politike

22 Prill 2023, 16:46, Politikë CNA

Zgjedhjet vendore/ KQZ shpërndan rreth 100 milionë lekë për

Komisionin Qendror i Zgjedhjeve ka shpërndarë fondet e buxhetit të shtetit për partitë politike pjesëmarrëse për zgjedhjet vendore të 14 majit  2023.

Fondi 97,064,530.08 lekë u shpërnda si më poshtë vijon:

1. Partia Demokratike (PD) 24.963.584.24 lekë

2. Partia Republikane (PR) 3,012,429.13 lekë

3. Partia Aleanca Progresiste L.ZH.K 1,100,255.80 lekë

4. Partia Socialiste e Shqipërisë (PS) 42.833,466.73 lekë

5. Partia e Lirisë (PL) 15,594,215.8 lekë

6. Partia Drejtësi, Integrim dhe Unitet (PDIU) 4,260,606.71 lekë

7. Partia Fryma e Re Demokratike (FRD) 1,194,064.75 lekë

8. Partia Demokracia Sociale (PDS) 1,123,779.90 lekë

9. Partia Socialdemokrate (PSD) 0 lekë

10. Bindja Demokratike (BD) 639,798.69 lekë

11. Partia e Gjelbër (P.GJ) 797,915.09 lekë

12. Partia Aleanca Demokristiane e Shqipërisë (ADK) 448,974.27 lekë

13. Aleanca Arbnore Kombëtare (AAK) 532,820.88 lekë

14. Partia Uniteti Kombëtar (PUK) 562,618.08 lekë

Komisioneri miratoi modelin e aktmarrëveshjes së bashkëpunimit ndërmjet Komisionerit Shtetëror të Zgjedhjeve dhe partisë politike që përfiton fondet nga buxheti i shtetit dhe Komisioni Qendror i Zgjedhjeve.

Gjithashtu, miratoi kërkesat e televizioneve “Star Plus”, “Syri Tv”, “Klan Tv” dhe media online “Albanian Post”, për vëzhgimin e zgjedhjeve për organet e qeverisjes vendore.

Në këtë seancë u vendos dhe dhënia e autorizimit për ndryshimin e vendndodhjes së QV nr. 1977/00, QV nr. 1977/01, QV nr. 1977/02, QV nr. 1977/03, QV nr. 2021/00, QV nr. 2021/01, Bashkia Tiranë, QV nr. 1080/00, Bashkia Bulqizë.

Përfundoi shqyrtimi administrativ i denoncimeve të Koalicionit për Reforma, Integrim dhe Institucione të Konsoliduara ndaj personave përgjegjës, për raportimin e veprimtarive publike. Komisioneri vendosi pushimin e procedimit administrativ ndaj:

1. Kryetarëve të Bashkive Dibër, Rrogozhinë dhe Patos, duke moskonstatuar shkelje të dispozitave të nenit 91, të Kodit Zgjedhor dhe vendimit nr. 9, datë 24.12.2020, për shpërdorim të burimeve publike;

2. Personave përgjegjës për raportimin e veprimtarive publike në bashkitë Kamëz, Kavajë, Pogradec, Vorë, Devoll, Durrës, Malësi e Madhe, Rrogozhinë, Prrenjas, Gjirokastër, Kukës, Lushnjë, Kuçovë, Korçë, duke moskonstatuar shkelje, pasi veprimtaritë e paraportuara nuk janë me natyrë publike në kuptim të nenit 92 të Kodit Zgjedhor dhe vendimit nr.9, datë 24.12.2020.

Vendimmarrja për projektvendimin “Për caktimin e partive politike që do të propozojnë anëtarin e tretë dhe të katërt të Grupeve të Numërimit të Votave, për zgjedhjet për organet e qeverisjes vendore të datës 14 maj 2023”, u shty për në seancën e radhës./CNA.al

 





Lajmet e fundit nga