web counter
LEXO PA REKLAMA!

SHKARKO APP

App Store
Google Play

E fundit!

x

Hapja e kapitujve të parë/ Rama shigjeton opozitën nga Luksemburgu

15 Tetor 2024, 15:54, Politikë CNA
Hapja e kapitujve të parë/ Rama shigjeton opozitën nga
Kryeministri Edi Rama

Kryeministri Edi Rama, në përmbyllje të agjendës në Luksemburg, ka shigjetuar opozitën pas hapjes së kapitujve të parë të anëtarësimit në BE.

Teksa u pyet nëse opozita do ta mbështesë procesin e integrimit, Rama tha se nuk ka shumë pritshmëri.

Ai deklaroi se heqja e duarve të politikës nga drejtësia ka krijuar dhembje tek opozita.

Kreu i qeverisë theksoi se kush nuk do të pranojë vendimet e drejtësisë, është i destinuar t’i bjerë murit me kokë dhe në fund është koka dhe jo muri që do bëjë prapa.

“Tani patjetër që kjo është një rrugë me pengesa. Pengesat në radhë të parë janë pengesa që duhet t’i kapërcejmë ne, sepse është një mal i tërë për t’u ngjitur tek ajo maja që unë e përsëris, ku Shqipëria duhet të ngjitet në 2030 në të gjitha aspektet dhe këtu nuk është fjala për ta marrë Shqipërinë për ta sjellë këtu.

Këtu është fjala për ta ndërtuar Evropën atje dhe për ta kthyer Shqipërinë në një vend që funksionon si një anëtar i BE me liri individuale, me rendin ligjor, me demokraci funksionale.

Përsa i përket opozitës unë nuk kam çfarë të them. Ne nuk mund as ta ndalojmë, as ta ndryshojmë, as ta ngadalësojmë dhe as të ndërhyjmë në procesin pa kthim të vendosjes së drejtësisë përmes një sistemi drejtësie të pavarur dhe natyrisht, heqja e duarve të politikës nga drejtësia ka krijuar dhembje, ka krijuar situata me të cilat ne nuk jemi mësuar dhe drejtësia ka goditur majtas dhe djathtas. Me shumë majtas sesa djathtas nëse e marrim në aspektin kuantitativ, por kjo është ajo që kemi kërkuar, kjo është ajo për të cilën kemi luftuar edhe kush nuk do të pranojë vendimet e drejtësisë, është i destinuar t’i bjerë murit me kokë dhe në fund është koka dhe jo muri që do bëjë prapa”, nënvizoi Rama./ CNA





Lajmet e fundit nga