web counter
LEXO PA REKLAMA!

SHKARKO APP

App Store
Google Play

Grigels Muçollari: Çmimi që paguajmë pas "zgjedhjeve"

3 Korrik 2025, 11:31, Politikë CNA
Grigels Muçollari: Çmimi që paguajmë pas
Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari ka komentuar raportet e fundit ku theksohet se Shqipëria ka cilësinë më të keqe të jetës në Europë.

Muçollari thotë se nuk ka si të ndodhë ndryshe duke nënvizuar se diat e zgjedhjeve nuk është më një akt demokracie, por një pazar i madh kombëtar, ku vota blihet me para publike, me favore, me frikë.

Ai thekson se ky është çmimi që paguajmë kur zgjedhjet s’janë më zgjedhje, por mekanizma kontrolli dhe mbytjeje të vullnetit popullor.

“Sipas indeksit më të fundit, Shqipëria ka cilësinë më të keqe të jetës në Europë. Në fund të listës. Fuqi blerëse në rënie, shërbime publike të degraduara, mjedis i ndotur, pasiguri e përditshme. Ky është realiteti pas çdo procesi zgjedhor që na shitet si "fitore".

Por nuk ka si të jetë ndryshe. Sepse dita e zgjedhjeve nuk është më një akt demokracie, por një pazar i madh kombëtar, ku vota blihet me para publike, me favore, me frikë. Është dita ku shteti vihet plotësisht në shërbim të partisë, ku i gjithëpushtetshmi përdor çdo institucion për të diktuar rezultatin.

Çdo votë e blerë, apo e diktuar është një mundësi më pak per te permiresuar vilesine e jetës. Çdo presion ndaj administratës, një shërbim më pak për qytetarin. Çdo kontratë korruptive e mbuluar, një mundësi më pak për zhvillim. Ndaj Shqipëria nuk ecën. Sepse është zënë peng nga ata që jetën tonë po e këmbejnë me pushtetin e tyre.

Ky është çmimi që paguajmë kur zgjedhjet s’janë më zgjedhje, por mekanizma kontrolli dhe mbytjeje të vullnetit popullor.

Derisa kjo të ndryshojë, Shqipëria do të mbetet në fund. Jo vetëm në indekse. Por në jetë, në atë që e prekim cdo ditë gjithsecili prej nesh”, është shprehur Muçollari./ CNA





Lajmet e fundit nga