web counter
LEXO PA REKLAMA!

SHKARKO APP

App Store
Google Play

PD lan duart, rinumërimin për Fierin e kërkoi Gaz Bardhi

3 Korrik 2025, 10:02, Politikë CNA

PD lan duart, rinumërimin për Fierin e kërkoi Gaz Bardhi

Pa u tharë mirë boja e rezultatit të rinumërimit të votave të Qarkut Fier, në PD kanë filluar të zbardhen intrigat me të cilat Gaz Bardhi futi në lojë hapjen e kutive të Fierit.

Sipas burimeve të besueshme, promotori i hapjes së kutive të Fierit ka qenë vetëm Gaz Bardhi.

Ai duket ka pasur informacione nga persona në PS, të ligështuar me partinë dhe me qejfmbetje të lidhura me Qarkun Fier, se kandidatëve të preferuar u ishin shtuar vota në numërim.

Nga informacioni i përcjellë, informatori ka dhënë siguri se votat janë të pavlefshme dhe pavlefshmeria e tyre çonte në heqjen e një mandati për Partinë Socialiste.

Pas kësaj Gaz Bardhi (me në mendje Zegjinenë), por pa mbështetjen e PD-së për hapjen e kutive edhe në Fier, ka komunikuar me Adriatik Lapajn duke i përcjellë atij edhe informatat "e sigurta" dhe duke i shtuar se heqja e mandatit për PS-në mund të çonte ujë në listën e Lapajt.

Adriatik Lapaj ka pranuar skemën dhe më pas Gaz Bardhi ka komunikuar me Nokën dhe Berishën për t'i siguruar që rinumërimi do t'i hiqte një mandat PS-së në Fier.

Me sa duket futja në skemën e Adriatikut është bërë nga Gaz Bardhi, duke ditur ky i fundit raportet e mëparshme të bashkëpunimit të Lapajt me PD-në.

E gjitha do të paraqitej në mbështetje të parimeve për transparencë nga kushdo që e kërkonte.

Pasi bindi PD-në që rinumërimi i hiqte një mandat PS-së, me ndërhyrjen e Gaz Bardhit edhe 2 anëtarët e PD-së në KQZ janë bërë pjesë e lojës "alla Gazment" dhe kanë kërkuar hapjen e të gjitha kutive të Fierit.

Një lojë që shqiptarëve po u kushton 200.000 euro, kurse PD-së po i kushton një tjetër telendisje madhështore./ CNA

 





Lajmet e fundit nga