E fundit!

11:59 Aktualitet

Mosfillimi i hetimeve për punonjësit e paraburgimit/ Ish-presidenti i drejtohet Gjykatës së Tiranës

Ish-presidenti Ilir Meta i është drejtuar Gjykatës së Tira...

Firmosi dy herë në vendimin për t’i hequr vulën Bardhit, reagon Oriola Pampuri

24 Korrik 2023, 21:50, Politikë CNA

Firmosi dy herë në vendimin për t’i hequr vulën

Deputetja e PD-së Oriola Pampuri ka reaguar pas lajmit që qarkulloi në rrjetet sociale ku rezultonte se kishte firmosur 2 herë në shkresën e vendimit të kryesisë për kalimin e vulës së partisë nga sekretari i Përgjithshëm, Gazment Bardhi tek sekretari Ligjor, Indrit Sefa.

Pampuri tha se firma është përsëritur gabimisht për shkak të një keqkuptimi mbi shkresat e ndryshme që u nënshkruan atë ditë.

“U kërkoj ndjesë për shfaqjen e radhës që u gatua për të kapur ndonjë titull lajmesh apo për të bërë pis procesin e zgjedhjeve të 29 korrikut.”, shkruan ajo në rrjetet sociale.

"Një sqarim i detyruar:

Shoh reagimet dhe spinet mbi foton që qarkullon në rrjet me firmen time, ndaj dua të sqaroj ata që mund të jenë keqkuptuar: PO, është firmosur dy here, JO, nuk ka vlerë të shtuar apo nuk ploteson ndonjë numër të nevojshëm në kryesi, pasi vendimet dhe votimet zbardhen nëpërmjet regjistimit të mbledhjes, që nuk lejon askend nga ne të gabojë.

Firma ime,e përsëritur gabimisht për shkak të një keqkuptimi mbi shkresat e ndryshme që u nënshkruan atë ditë, është gjethja e fikut pas të cilës disa kërkojnë të fshehin disfatën e radhës të revolucionit, me kosto të madhe për opozitën, e disa të tjerë kërkojnë të fshehin futjen nga dritarja në foltore, përmes proces skutash, ku flitet çdo ditë për statutin dhe veprohet në shkelje të tij. Për këdo që është i interesar për aktet e kryesisë, le t’i drejtohet institucioneve, nga të cilat doni titujt që mbani, por jo peshën e përgjegjësisë, të cilës i ikni kur duhen marrë vendime të vështira.

U jam mirenjohëse demokratëve dhe u kërkoj ndjesë për shfaqjen e radhës që u gatua për të kapur ndonjë titull lajmesh apo për të bërë pis procesin e zgjedhjeve të 29 korrikut. E di që jeni lodhur, e ndjej mërzinë tuaj dhe dëshirën për të dalë nga kjo gjendje amullie, nga e cila përfiton vetëm Rama. Ndaj ju ftoj t’i lëmë mënjanë kotësitë dhe sherret e atyre që kanë hallin e listave dhe vendet e tyre në to, e të qendrojmë me vendosmëri në mbrojtje të vlerave për të cilat kemi sakrifikuar të gjithë bashkë, të bindur se PD do të jetë alternativa më e mirë vetëm në partneritet të ngushtë me ShBA, BE dhe GB, dhe në betejë frontale me korrupsionin dhe metastazat e tij të pangjyra.

Për vendime, që mbrojnë sakrificën e demokratëve, orientimin e qartë Euroatlantik, dhe në koherencë të plotë me qëndrimet e mia publike do firmos pa nguruar."