web counter
LEXO PA REKLAMA!

SHKARKO APP

App Store
Google Play

E fundit!

x

ÇEZ-DIA, në rreth edhe ministra socialistë/ Artan Hoxha: 600 mln euro dëm janë paguar nga qytetarët

1 Mars 2023, 10:46, Politikë CNA

ÇEZ-DIA, në rreth edhe ministra socialistë/ Artan Hoxha: 600

Gazetari Artan Hoxha ka komentuar çështjen ÇEZ-DIA, për të cilën pak ditë më parë është thirrur në SPAK, kreu i PL-së, Ilir Meta.

Në emisionin “Log" të Endri Xhafos, Hoxha tha se përveç Metës duhej të thirreshin edhe zyrtarë të tjerë.

 “Jam thirrur më parë në SPAK. Kjo është një çështje që për shkak të kohës së gjatë që ka pasur në dyert e drejtësisë.

Është çështje që nuk ka objektiv vetëm Metën, por përfshin të tria palët kryesore në këtë vend. Përfshin ish-qeverinë e djathtë, Berishën, njerëz të afërt të tij, qeverinë e majtë që është sot dhe zotin Meta që ka qenë në koalicion në mandatin e dytë të qeverisë së PD-së dhe në mandatin e parë të qeverisë Rama. Është çështje komplekse. Se di pse është zgjedhur i pari Meta. Mund të thërriste këdo. Do thirren shumë të tjerë.

OSHEE e sotme u privatizua në kohën e Berishës dhe më pas u shtetëzua gjatë qeverisjes së PS-së. Ndaj janë të përfshirë të gjithë në këtë histori. Mënyra se si e mori shteti, ishte me spec”, është shprehur Hoxha.

Sipas tij janë 600 mln euro që rezultojnë si dëm që e kanë paguar qytetarët shqiptarë, ndërsa e vetmja gjë që ka fituar shteti shqiptar është një vendim sekuestro, që iu gjet drejtuesit të DIA-s.

“Kemi një dëshmi që është dhënë në Austri, dhe më pas në 2014 është dhënë një tjetër dëshmi. Kjo është çështje që është kërkuar të riaktivizohej, por bëhej presion. Që t’ia mbyllnin gojën Katriot Ismailajt, ia sekuestruan paratë, dhe pensionin e nënës. Bashkëshortja dhe fëmijët ikën për azil në Austri.

Unë u thirrja në SPAK, se gjatë hetimit që kishte bërë prokuroria, kishte deklarimet e ish-ministrit Prifti. Pse u thirrën sot?

Se sot kanë ndryshuar rrethanat. Sot prokuroria është në të tjera rrethana, se ka mjetet. Shpresoj se do të shohim ministra të majtë që do thirren, nëse çështja do kufizohet vetëm te Meta, atëherë do kemi të bëjmë me një çështje që nuk do shkohet në thellësi.

Duhet hetim i thelluar dhe shterues, është bast për mundësitë që ka SPAK, që të hetojë lart dhe jo poshtë”, është shprehur më tej Hoxha./CNA.al





Lajmet e fundit nga