web counter
LEXO PA REKLAMA!

SHKARKO APP

App Store
Google Play

E fundit!

x

"Do shikoni çudira"/ Çfarë paralajmëron Shehaj për shembjen e godinave mbi 50-vjeçare

28 Shkurt 2023, 21:23, Politikë CNA

"Do shikoni çudira"/ Çfarë paralajmëron Shehaj

Brisida Shehaj, Koordinatorja e luftës kundër krimit dhe korrupsionit në Partinë e Lirisë, ka folur rreth vendimit të qeverisë për pallatet që kanë mbi 50 vjet që janë ndërtuar dhe do t’i nënshtrohen auditimit teknik.

Në një intervistë për gazetaren Sonila Meço ka paralajmëruar se do të bejë një analizë të thellë të kompanive që do të përfshihen në auditimin dhe rikonstruktimin e këtyre banesave.

Shehaj tha se çështja do të shkojë në SPAK dhe i ka bërë thirrje kujtdo që ka përvojë inxhinjerike t’i bashkohet për ta ndihmuar.

“Një pallat i madh për t’u ndërtuar nga fillimi kushtonte 1.5 milionë dollarë dhe në rikonstruskion këta thonë, ndryshimi i dyerve dirtareve dhe të gjithave. Unë nuk e di pse do rikonstruktonin pallate që i kishin dyert dhe dritaret në vend. Hidroizolimi i tarracave, kanë futur në lojë ligjin e eficencës që të bënin sistemin kapot, po unë nuk e di këta rikonstruksionet që bënë këta kujt ia vunë sistemin kapot? Dhe ajo çfarë hulumtojmë tashmë, është se kur janë bërë kontratat për tu bërë godinat e 5 Majit me paratë e shtetit, çmimi ka variuar nga 420-430 mijë lekë në 450 mijë lekë për metër-katror ndërtim.

Kata kanë falsifikuar çdo gjë, ne kemi analizuar çdo gjë, kemi analizuar dhe kompanitë ku ndër më të famshmet është një kompani 'Infratech' mos gaboj. I kemi analizuar kush janë lidhjet familjare që kanë, drejtorët e bashkisë që kanë përfituar. Do shikoni çudira. Ne po bëjmë një analizë shumë të qartë sepse të gjitha këto do shkojnë në SPAK, ne nuk kemi SPAK por ne kemi vendosur që SPAK-ut t’ja lëmë letrat aty. Ne kemi nevojë për këdo që ka përvojë nga ana inxhinierike për të na ndihmuar se po analizojmë çdo prevendim, çmimi i tregut nga çmimi që marrin këta për bazë janë çmimet e një VKM-je, një udhëzimi të 2016-tës”, tha Shehaj./CNA.al

 





Lajmet e fundit nga